Gaustatoppen

Gaustatoppen

Høgd over havet	1883 moh
Ligg i/på	Tinn (Telemark)
Primærfaktor	950 m
Koordinatar	59°51.25′N 8°38.95′EKoordinatar: 59°51.25′N 8°38.95′E

Gaustatoppen, eller Gausta, (1883 moh) ligg i Tinn kommune i Telemark fylke og er det høgaste fjellet i fylket. Fjellet ligg rett sørom Rjukan.

Gaustatoppen er det punktet i Noreg med størst utsikt, målt i kvadratkilometer. Under ideelle forhold har ein utsikt over eit område på 50 000 km²^[1], om lag ein sjettedel av arealet av fastlands-Noreg. Til samanlikning kan ein frå Galdhøpiggen (2469 moh) sjå om lag 35 000 km²

Nær toppen ligg Gaustatoppen turisthytte, populært kalla Gaustahytta. Hytta har enkel servering kvar dag i sommarsesongen og nokre helger utover hausten. Toppen vert vitja av 25000 menneske i året. Gaustatoppen er det høgaste fjellet sør for Jotunheimen, med unntak av Hallingskarvet (1933 moh) som ligg på den andre sida av Hardangervidda, Høgeloft (1920 moh) og Ranastonge (1900), begge i Hemsedal.

Ein kjem til toppen ved å køyre frå Rjukan mot Gaustablikk og Gaustablikk Høyfjellshotell. Inne i fjellet går det ein sesongopen bane som frakter folk frå Langefonn ved foten av fjellet og opp til toppen.