Genesis Live

Frå Wikipedia – det frie oppslagsverket
Gå til: navigering, søk
Genesis Live
Konsertalbum av Genesis
Utgjeve 27. juli 1973
Innspelt 24. februar 1973 – 25. februar 1973
Sjanger Progressiv rock
Lengd 46:44
Selskap Charisma
Produsent John Burns og Genesis
Kritikk
Genesis-kronologi
Foxtrot
(1972)
Genesis Live Selling England by the Pound
(1973)

Genesis Live er det første konsertalbumet til den engelske rockegruppa Genesis i 1973. Det var det første albumet til bandet som nådde Topp 10 i Storbritannia med ein 9. plass på albumlista.

Historie[endre | endre wikiteksten]

Genesis vart overtydd av selskapet deira, Charisma Records, om å gje ut Genesis Live som eit lågprisalbum for å fylle ut tida medan bandet spelt inn Selling England by the Pound i midten av 1973. Kontrakten til Charisma med den nordamerikanske distributøren Buddah Records, kan òg ha vore ein medverkande faktor, sidan Charisma like etter fekk ny distribusjonsavtale med Atlantic Records.

Konsertopptaka til albumet vart gjort i De Montfort Hall i Leicester i England med Pye Mobile Recording Unit, lydteknikar Alan Perkins, den 25. februar 1973, utanom «Return of the Giant Hogweed», som vart spelt inn i Free Trade Hall i Manchester i England dagen før, medan bandet var på turné for albumet Foxtrot.[4] Desse innspelingane vart opphavleg gjort for det amerikanske radioshowet King Biscuit Flower Hour, sjølv om dei aldri vart sendt her.

Ein nymastra versjon av albumet kom ut i 1994 på Virgin i Europa og Atlantic i Nord-Amerika.

Eit konsertopptak av «Supper's Ready» frå Foxtrot-turneen er aldri offisielt gjeve ut, men eit opptak av songen frå turneen året etter vart kom ut på plateboksen Genesis Archive 1967-75 i 1998. Gabriel skal derimot ha spelt inn noko av vokalen på ny, før dette opptaket kom ut.

Nokre få doble LPar som vart sendt til radiostasjonar inknluderte den 23 minuttar lange versjonen av «Supper's Ready» frå konserten i Leicester. Om denne testtrykkinga var meint som det faktiske albumet er ukjend. Uansett vart ikkje «Supper's Ready» inkludert.

Mottaking[endre | endre wikiteksten]

Rolling Stone gav albumet ei kort, men positiv melding og kommenterte at «dette albumet går ein lang veg i å fange den gripande krafta og mystisismen som gjer at Genesis-fans kallar bandet 'det beste konsertbandet nokonsinne'."[2]

Ei seinare melding av Allmusic var òg positiv. Dei skriv «det er tvilsamt at nokon nokon gong fekk ein rikare lyd ut av Mellotronen på scenen slik Tony Banks gjer på dette albumet, og Steve Hackett, Mike Rutherford og Phil Collins er utruleg samspelte, og held i lag gjennom særs komplekse musikkstykke.» Dei meinte at alle opptaka var langt betre enn originalane på studioalbuma.[1]

Innhald[endre | endre wikiteksten]

Alle songar er skrivne av Tony Banks, Phil Collins, Peter Gabriel, Steve Hackett og Mike Rutherford, utanom der andre er nemnde. 

Side ein
# Tittel Lengd
1. «Watcher of the Skies»   8:34
2. «Get 'Em Out by Friday»   9:14
3. «The Return of the Giant Hogweed»   8:14
Side to
# Tittel Lengd
4. «The Musical Box»   10:56
5. «The Knife» (Banks, Gabriel, Anthony Phillips, Rutherford) 9:47

Medverkande[endre | endre wikiteksten]

Kjelder[endre | endre wikiteksten]

  1. 1,0 1,1 Eder, Bruce. «Live – Genesis | AllMusic». allmusic.com. http://www.allmusic.com/album/live-r8168/review. Henta 8 June 2012. 
  2. 2,0 2,1 Fletcher, Gordon (1 August 1974). Rolling Stone review
  3. Nathan Brackett; Christian David Hoard (2004). The new Rolling Stone album guide. New York: Simon & Schuster. s. 327. ISBN 978-0-7432-0169-8. 
  4. «Genesis Live». http://www.caminorecords.com/product/genesis_live.html. Henta 26. september 2012.