Gianluigi Buffon

Frå Wikipedia – det frie oppslagsverket
Gå til: navigering, søk
Gianluigi Buffon
Buffon i 2012
Personleg informasjon
Namn Gianluigi Buffon
Fødselsdato 28. januar 1978 (36 år)
Fødestad Carrara i Italia
Høgd 191 cm
Posisjon Keeper
Klubbinformasjon
Spelar for Juventus
Draktnummer 1
Ungdomsklubb
1991-95 Italia Parma
Klubbar*
År Klubb Kampar (mål)
1995-2001
2001-
Italia Parma
Italia Juventus
168 (0)
390 (0)
Landslag**
1995-97
1997-
Italia Italia U21
Italia Italia
11 (0)
140 (0)

* Klubbkampar og mål i nasjonal liga  
er sist oppdatert 2. mars 2014.
** Landskampar og mål er
sist oppdatert 4. juni 2014.

Gianluigi Buffon (fødd 28. januar 1978) er ein italiensk fotballspelar. Buffon spelar som keeper for Juventus og det italienske landslaget.

Klubbkarriere[endre | endre wikiteksten]

Buffon vart fødd i Carrara i Toscana. Han starta karrieren i Parma i 1995. Han fekk debuten sin i Serie A mot AC Milan, 19. november 1995, berre 17 år gammal. Han var med på å vinna UEFA-cupen med Parma i 1999. I juli 2001 gjekk han til Juventus for om lag 400 millionar kroner, som den dyreste keeperen gjennom tidene, til då.

I 200405 hjelpte Buffon Juventus til laget sin tredje Serie A-tittel på fire sesongar. Buffon sine utrolige redningar i den avgjerande kampen mot AC Milan var med på å avgjera kampen. Men denne tittelen, saman med neste års tittel, vart trekt attende etter dommarskandalen i 2006.

Då Juventus vart flytta ned til Serie B, valde Buffon å bli i klubben, trass i at han kunne gått til ei rekkje andre klubbar. Kontrakten med Juventus vart våren 2007, då klubben var sikra opprykk til Serie A igjen, forlenga til 2012.[1] I 2009 vart kontrakten forlenga til 2013. Han var med på å vinna Serie A med Juventus i 2012, 2013 og 2014.

Landslagskarriere[endre | endre wikiteksten]

Buffon debuterte for landslaget i ein VM-kvalifiseringskamp mot Russland 29. oktober 1997.

Etter å ha vore reserve for Gianluca Pagliuca under VM i 1998 og gått glipp av EM i 2000 grunna skade, starta Buffon for Italia under VM i 2002 og EM i 2004.

I VM i 2006, som Italia vann, vart Buffon kåra til beste keeper og fekk Lev Jasjin-prisen. Under fotball-EM i 2008 var Buffon Italia sin landslagskaptein.

Involvering i dommarskandalen 2006[endre | endre wikiteksten]

12. mai 2006 vart det påstått at fire Juventus-spelarar var mistenkte for å ha satsa pengar på kampar som dei sjølve hadde spelt i. To av dei skulle ha vore stjernene Gianluigi Buffon og Fabio Cannavaro, ifølgje den svenske avisa Expressen,[2], som nemner to cupkampar mot Atalanta i 2006 og i 2005 der Juventus tapte. Buffon vart frikjend.[3]

Referansar[endre | endre wikiteksten]

  1. (en) «Juve duo stay on», artikkel i Calcio Italia No. 143 (juli 2007)
  2. «Juventus kan flyttas ner».
  3. (it) «Buffon frikjent»it: Scommesse, Buffon prosciolto
Denne artikkelen begynte med stoff frå bokmålswikipediaen og [[en:Gianluigi Buffon|engelsk wikipedia 11. mars 2010.