Giovanni Battista Moroni

Giovanni Battista Moroni
Statsborgarskap	Italia
Fødd	1525, 1522 Albino
Død	5. februar 1578 (55 år) Bergamo
Yrke	kunstmålar
Sjanger	portrett
Giovanni Battista Moroni på Commons

Giovanni Battista Moroni (1525–5. februar 1578) var ein italiensk målar som var aktiv under seinrenessansen. Han var fødd ein gong mellom 1520 og -25 i Albino ved Bergamo, og han døydde same staden 5. februar 1578. Moroni er særleg akta for sine røyndomsnære portrett av den lokale eliten.

Kvinne i raudt (1556-60)

Liv og gjerning

Moroni, som var son til ein arkitekt, var frå 1540 elev av målaren Moretto i Brescia. I yngre år var han hovudassistenten til Moretto. Under begge Trent-konsila, 1546-48 og 1551-53, arbeidde han i byen. Der tok han oppdrag som portrettmålar, og laga også nokre altartavler.

Sine beste år hadde Moroni i Bergamo mellom 1557 og 1562, der han var ein etterspurd portrettør. Sidan flytta han tilbake til Albino, og måla då mange altartavler. Nokre av desse arbeida finst i Milano, men dei fleste er i områda kring Albino og Bergamo. Altartavlene er likevel ikkje mellom de beste arbeida hans, då han i stor grad fylgde læraren sin i utforminga av desse.

Moroni er absolutt mest kjend for sine sjelfulle portrett, måla i ein manieristisk stil. Ofte er bileta forma slik at dei gir ein karakteristikk av yrket til personen.

Galleri

• 
  Portrett av ein mann, olje på lerret, 1553, Honolulu Museum of Art
• 
  Portrett av Bartolomeo Bonghi, olje på lerret, 1553, Metropolitan Museum of Art
• 
  Gian Lodovico Madruzzo - Art Institute of Chicago
• 
  Portrett av Angelica Agliardi de Nicolini, ca. 1560, Chantilly, Musée Condé
• 
  Portrett av Moroni, 1560
• 
  Portrett av ein mann som held eit brev (L'Avvocato)
• 
  Dåpen av Kristus med ein gjevar
• 
  Portrett av Don Gabriel de la Cueva, 1560, Gemäldegalerie, Berlin
• 
  Riddaren i svart, ca. 1567, Museo Poldi Pezzoli, Milan
• 
  Titian sin skulemeister, ca. 1575, National Gallery of Art
• 
  Portrett av ein soldat, ca. 1560, Prado Museum, Madrid

Kjelder

• Aschehougs kunsthistorie. Bind 4 Kunstleksikon

---

• Denne artikkelen bygger på «Giovanni Battista Moroni» frå Wikipedia på engelsk, den 9. mai 2012.