Giske kommune

Frå Wikipedia – det frie oppslagsverket
Gå til: navigering, søk
Giske kommune
Våpen Kart
Komm.nr. 1532
Fylke Møre og Romsdal
Adm.senter Valderhaugstranda
Areal 40 km²
Folkemengd 7 541 (1. jan 2012)
Politikk
Ordførar (2003-) Knut Støbakk (KrF)
Målform Nynorsk
Nettstad www.giske.kommune.no
Folketalsutvikling 1951-2010[1]
Befolkningsutvikling kommune 1532.svg
Giske kommune på Commons
Strand på øya Giske.

Giske kommune er ein øykommune på Sunnmøre i Møre og Romsdal, rett vestom byen Ålesund. Kommunen består av dei to flate øyane Giske og Vigra, og to meir ulendte, Godøya og Valderøya. Kommunesenteret ligg på Valderhaugstranda på Valderøya, medan Vigra er den største øya.

Giske kommune har 4 tettstader:

  • Valderøya på Valderøya med 3 449 innbyggjarar (2012)
  • Roald på Vigra med 775 innbyggjarar (2012)
  • Leitebakk på Godøya med 592 innbyggjarar (2012)
  • Giske på Giske med 593 innbyggjarar (2012)

Hovudnæringar i kommunen er fiske og jordbruk, fiskeoppdrett og noko mekanisk industri.

Politikk[endre | endre wikiteksten]

Etter valet i 2007 kunne Kristeleg Folkeparti notere den høgaste oppslutninga i landet i Giske kommune med 43,2 prosent av røystene.

Kommunestyret har 23 representantar. Ordførar er Knut Støbakk (KrF). For inneverande periode (2011-2015) er den partipolitiske samansetjinga slik:

  • Kristeleg Folkeparti: 8
  • Høgre: 5
  • Venstre: 4
  • Arbeidarpartiet: 3
  • Framstegspartiet: 2
  • Senterpartiet: 1

Historie[endre | endre wikiteksten]

Skjonghelleren på Valderøya er eit verdifull fortidsminne med avleiringar som mellom anna viser korleis den magnetiske Nordpolen har endra seg. Ein har òg funne restar av fuglar og dyr som er om lag 30 000 år gamle. Ein har òg funne 10 000 år gamle spor etter menneske.

Øyane har òg fleire minne frå vikingtida. På Giske ligg ein av dei eldste herregardane i Noreg. Han var heimen til den mektige Giske-ætta eller Arnungane frå 900-talet til 1582. Giske kapell, kledd i kvit marmor, vitnar om rikdommen på øya på 1100-talet.

Folketalsutvikling[endre | endre wikiteksten]

Folketalsutvikling for noverande Giske kommune frå 1910:

1910[2] 1.12.1920[3] 1.12.1930[4] 3.12.1946[4] 1.1.1951[5][6] 1.1.1961[5][6] 1.1.1971[5] 1.1.1981[5] 1.1.1991[5] 1.1.2001[5] 1.1.2010[5] 1.1.2012[5]
2754 3006 3145 3713 3915 4543 5171 6042 6203 6395 7029 7541

Kommunikasjon[endre | endre wikiteksten]

Det er brusamband mellom Vigra og Valderøya på Gjøsund. Frå Valderøya går ein undersjøisk tunnel til Ålesund (via Kverve, Ellingsøya). Det er bru til Giske frå Valderøya og undersjøisk tunnel frå Giske til Godøya. Snøggbåtsambandet Hareid-Valderøy-Ålesund blir trafikkert av MS «Tideekspress» og går fleire gongar dagleg frå ferjekaia på Valderhaugstranda.

Ålesund lufthamn ligg på Vigra.

Kjende folk frå Giske kommune[endre | endre wikiteksten]

Bakgrunnsstoff[endre | endre wikiteksten]

Commons-logo.svg Commons har multimedia som gjeld: Giske kommune

Fotnotar[endre | endre wikiteksten]

  1. Kjelde: SSB
  2. "Hjemmehørende folkemengde Møre og Romsdal 1801-1960 frå Registreringssentral for historiske data
  3. Statistisk årbok for kongeriket Norge 40de årgang, 1920 (Det statistiske centralbyrå, 1921)
  4. 4,0 4,1 Statistisk årbok for Norge 69. årgang, 1950 (Statistisk sentralbyrå, 1950)
  5. 5,0 5,1 5,2 5,3 5,4 5,5 5,6 5,7 Folkemengd i Giske 1. januar kvart år frå 1951, frå Statistisk sentralbyrå
  6. 6,0 6,1 Folkemengd i Vigra 1. januar kvart år frå 1951, frå Statistisk sentralbyrå