Gmail

Gmail (også Google Mail) er ei gratis e-postteneste laga av skaparane av søkemotoren Google.

Gmail kom på norsk i 2006, men var då avgrensa slik at du måtte bli invitert av ein som allereie hadde Gmail for å få bruke tenesta. Grunnen til dette var at Gmail då var i ein tidleg betafase. I midten av 2007 blei Gmail opna for alle, og ein må ikkje lengre bli invitert for å registrere seg på Gmail. I dag har Gmail nesten 6,5GB med lagrinsplass, og dette stig med over 1MB i timen. Gmail har også eit godt fungerande spam-filter som tek det aller meste av spam.

Funksjonar i Gmail

Gmail har ein del funksjonar og verktøy som gjer at Gmail skil seg litt frå andre e-posttenester.

Gruppering av e-post

Gmail grupperer e-posten din etter post med same emne, eller e-post frå same avsendar.

Automatisk lagring av e-postadresser i adresseboka

Alle adressene som du sender ein e-post til, eller som du mottar ein e-post frå blir lagra i adresseboka.

Etikettar

I Gmail blir ikkje e-posten din gruppert i forskjellige grupper slik som er vanleg, men dei blir stempla med ein etikett, noko som gjer det lett å finne att like e-postar seinare. Du kan også leggje til eit filet som set etikettar på e-posten du får med ein gong du får han.

Rask oppdatering

Gmail oppdaterer seg sjølv, slik at du ikkje treng å oppdatere sida for å sjå om du har fått ein ny e-post. Du kan sjølv bestemme kor ofte Gmail skal oppdatere seg, til dømes kvart minutt.

Hurtigtastar

• c - skriv ein ny e-post
• / - Søk
• k/j - flytt markøren mellom e-postar
• n/p - neste/førre e-post
• o/enter - opnar den markerte e-posten
• y - Flytt til arkiv, ta vekk stjerne eller ta vekk etikett
• x - merk e-post
• s - stjerne av/på
• ! - spam
• r - svar
• a - svar til alle
• f - vidaresend
• u - tilbake til innboksen

Gmail på mobilen

Google har også laga ein gratis java-klient for mobiltelefonar. Der kan du både lese og svare på e-posten din.

Konfidenisialitet

Gmail har vorte kritisert for å samla informasjon om brukarar og for å levera informasjonen vidare til etterretningstenester i USA.

Bakgrunnsstoff

• Gmail - Her kan du logge inn på Gmail, eller registrere deg dersom du ikkje er registrert frå før.
• Gmail mobile - her kan du lese meir om Gmail på mobilen, og du kan laste ned klienten.

Commons har multimedia som gjeld: Gmail