Grønningen fyrstasjon

Grønningen fyrstasjon
Fylke	Vest-Agder
Kommune	Kristiansand
Funksjon	Innseglingsfyr
Oppretta	1878
Koordinatar	58°04.8826′N 8°5.2730′E
Fyrtårn
Høgd	14,0 m
Form	Fyrbygning med tårn
Byggjemateriale	Betong
Fyrlys
Lyskarakter	2 glimt kvart 10. sekund
Lyshøgd	18,8 moh
Lysvidde	12,1 nm
Status
Eigar	Staten
Automatisert	1980
Avfolka	1980
Vernestatus	Freda etter lov om kulturminne

Grønningen fyrstasjon er eit fyr som markerer det austlege rundingspuntket ved innseglinga til Kristiansandsfjorden og Kristiansand.

Plasseringa til Grønningen fyrstasjon

Fyrbygningen ligg fem meter over havet og er bygd i betong. Tårnet er 14 meter høgt. Fyret på Grønningen vart tent 1. september 1878. Det andre fyret som markerer innseglinga til Kristiansand, Oksøy, ligg 2,2 km mot vest.

Saman med Oksøy fyr og Odderøya fyrstasjon dannar Grønningen ei samanhengande kjede av navigasjonshjelpemidlar for skip som skal inn i fjorden og Vesterhavnen.

Fyret og fyrbygningen er kvitmalt. Gavlen på fyrbygningen utgjer den fjerde veggen i fyrtårnet. Fyrstasjonen omfatter òg fyrbetjentbustad med maskinrom samt uthus og to naust. I tillegg har Grønningen kaianlegg med molo. Anlegget er stort sett som det var då det vart bygd og bygningane er godt bevart.

Fyrstasjonen var bemanna fram til 1980 då fyret vart automatisert. Anlegget vart freda etter lov om kulturminne i 1994.

Næraste hamn på fastlandet er Kongshavn i Randesund.

Fyret vert i dag drifta av Bragdøya kystlag og er open for ålmenta.

Sjå òg

• Fyr i Noreg
• Fyrstasjonar i drift i Noreg

Kjelder

• Denne artikkelen bygger på «Grønningen fyr» frå Wikipedia på bokmål, den 2. oktober 2008.

Andre kjelder

• Norsk fyrliste 2008. Kystverket.
• Grønningen fyrstasjon. Norsk Fyrhistorisk Forening.