Granvin herad

Granvin herad
Komm.nr.	1234
Fylke	Hordaland
Adm.senter	Eide
Areal	211 km²
Folketal	917 (1. jan 2012)
Politikk
Ordførar (2011-)	Ingebjørg Winjum (V)
Målform	Nynorsk
Nettstad	www.granvin.kommune.no
Folketalsutvikling 1951-2010
Granvin herad på Commons

Granvin herad ligg i Hardanger i Hordaland fylke. Granvin er ein av dei kommunane i landet som nyttar nemninga «herad» i staden for «kommune».

Geografi

Granvin er ein av dei sju Hardangerkommunane. Granvin er lett å koma til med båt eller bil. Granvinsfjorden går heilt inn til sentrum, til det gamle trafikk-knutepunktet Eide. Riksveg 13 går mellom Voss og Granvin. Fylkesveg 7 går til Bergen langs Hardangerfjorden. Det tek 30 minutt til Voss og ca. 2 timar til Bergen eller til Flesland flyplass med bil. Det går òg buss til Bergen og Voss. Frå Kvanndal går det ferje til Kinsarvik og Utne i Ullensvang. Hardangerbana, som var ein sidebane til Bergensbanen og førte frå Granvin til Voss, vart lagt ned i 1985.

Bygda har tradisjonelt vore tufta på skog- og jordbruk som næringsveg. Dette er òg grunnlaget for seinare års industriutvikling, med Granvin Bruk

Historie

Granvin vart eigen heradskommune i 1891, då heradet vart utskilt frå Ulvik heradskommune. Det første namnet var Graven heradskommune, men i 1898 vart dette endra til Granvin.

I april 1940 var det kamphandlingar ved Skjervefossen i kommunen, etter at tyske troppar hadde blitt sett i land inst i Granvinsfjorden og heldt fram over land mot Voss.

1. januar 1964 vart eit område rundt Kvanndal, langs Hardangerfjorden i vest, overført frå gamle Kinsarvik kommune til Granvin kommune, som dermed fekk grense til Kvam herad i vest.

Folketalsutvikling

Folketalsutvikling for Granvin kommune frå 1920:

1.12.1920	1.12.1930	3.12.1946	1.1.1951	1.1.1961	1.1.1971	1.1.1981	1.1.1991	1.1.2001	1.1.2010
1070a	1159a	1190a	1158a	1070a	1013	1000	1050	1037	947

^aTalet omfattar ikkje området rundt Kvanndal, som vart overført til Granvin herad frå Kinsarvik kommune i 1964. Dette området hadde då 72 innbyggjarar.

Politikk

Heradstyrerepresentantar

Det første listevalet i Granvin vart halde i 1928.

År	Bygdeliste	Arbeidarpartiet	Samlingsliste	Senterpartiet/ Bondepartiet	Venstre	Høgre	Felleslister	Sosialistisk Venstreparti
1928	9	3
1931	Ikkje listeval
1934	Ikkje listeval
1937	8	1	3
1945	6		6
1947	Ikkje listeval
1951	8	3	1
1955		3	1	8	1
1959		3		7	3
1963		3		7	3
1967		4		6	3
1971		4		7	2
1975	2	4		7
1979		3		7		2	1a
1983		3		6		2	2a
1987		3		6	2	2
1991		2		6	2	2		1
1995		2		6	2	2		1
1999		2		6	2	2		1
2003		3		5	2	1		2
2007		6		4	1	2

^a Fellesliste Venstre/Kristeleg Folkeparti

Kjende personar frå Granvin

• Johan Havaas
• Olav Medås
• Olav Seim
• Jan Ivar Rødland
• Jarle Trå
• Ruth Lillegraven

Bilde

• 

  Granvin bruk

  Foto: Thomas Andersen

• 

  Bilde tatt ved Granvinsvatnet, det bryggar opp til regn.

  Foto: G.K.Tjoflot

Grunnkrinsar i Granvin herad

Granvin er eitt delområde som er deld inn i åtte grunnkrinsar.

• Lussand/Kvandal - området ved Indre Samlafjorden/Utnefjorden
• Folkedal - området på vestsida av Granvinsfjorden
• Hamre - området på austsida av Granvinsfjorden, på Oksenhalvøya.
• Eide - bygda Eide inst i Granvinsfjorden
• Selland/Kjerland - området nordom Eide
• Kyrkjestrandi - området på austsida av Granvinsvatnet
• Seim/Nesheim - området på vestsida av Granvinsvatnet
• Spildo - området nordom Granvinsvatnet

Sjå òg

• Folkedal kraftverk
• Granvinsvatnet
• Hardangerbanen
• Kinsarvik-Utne-Kvanndal
• Vestskog