Greenlee Lough

Frå Wikipedia – det frie oppslagsverket
Gå til: navigering, søk
Greenlee Lough
Greenlee Lough -
Stad Northumberland
Koordinatar 55°01′N 2°21′W
Type innsjø mesotrofisk
Tilknytte land Flag of the United Kingdom.svg Storbritannia
Overflateareal 0,6 km²

Greenlee Lough er ein innsjø og eit nasjonalt naturreservat 5 km nord for Bardon Mill i Northumberland, nord i England. Greenlee er ein bresjø, og den største naturlege innsjøen i Northumberland.[1]

Insjøen er eigd og forvalta som eit naturreservat av Northumberland Wildlife Trust og Northumberland nasjonalpark. Det er ein grunn innsjø med mykje vassplanter rundt. Det meste av reservatet er ope vatn. Innsjøen vart nytta som eit reservoar av romarane ved Hadrianmuren.

Tidlegare heldt Greenlee Sailing Club til ved innsjøen, men dei flytta i 1970-åra til Derwent-reservoaret nær Hexham.

Plantar og dyr[endre | endre wikiteksten]

Langs breidda av innsjøen er det sivkratt, urter og myr. Her finst mykje fuglevilt, mellom anna vadefugl som finn mat i det grunne vatnet og våtmarksområdet. Trekkfugl som songsvane, grågås og krikkand vitjer sjøen om vinteren.[1]

Ved vatnet finst også oterar. Dei lever på å fanga fiskar som gjedde, mort, åbor og ål.[1] Ein kvitkloa kreps, Austropotamobius pallipes, finst i innsjøen. Han er den einaste krepsearten som finst naturleg på Dei britiske øyane. Arten er i tilbakegang i Europa og Storbritannia.

Kjelder[endre | endre wikiteksten]

  1. 1,0 1,1 1,2 Greenlee Lough. Informasjonshefte (PDF)

Bakgrunnsstoff[endre | endre wikiteksten]

Commons-logo.svg Commons har multimedia som gjeld: Greenlee Lough