Grimstad kommune

Grimstad kommune
Komm.nr.	0904
Fylke	Aust-Agder
Adm.senter	Grimstad
Areal	303 km²
Folkemengd	21 244 (1. jan 2012)
Politikk
Ordførar (2011-)	Hans Antonsen (V)
Målform	Bokmål
Nettstad	www.grimstad.kommune.no
Folketalsutvikling 1951-2010
Grimstad kommune på Commons

Grimstad er ein kystkommune i Aust-Agder fylke. Kommunen grensar til Arendal i aust, Froland og Birkenes i nord og Lillesand i vest. Grimstad fekk bystatus i 1816. I 1971 vart dei tidlegare kommunane Landvik og Fjære slengne saman med Grimstad.

Byen er kjend for sin vene skjergard og for sitt unike teater i eit steinbrot i Fjæreheia. Teateret vert drive av Agder teater og vart opna i 1993. Her er over 1000 sitjeplassar.

I 1953 vart den fyrste plastbåten i Noreg produsert og sjøsett av Herbert Waarum (plastbåten sin far). Seinare kom firmaet Herwa plast i Grimstad.

I 2002 vart mikrobryggeriet Nøgne Ø stifta, bryggeriet har motteke ei rad prisar for sitt øl.

Grimstad er òg kjend for at forfattaren Roald Dahl budde her delar av somrane han var i Noreg. Han budde då på Strand hotell på Fevik aust i kommunen.

Avisa i byen heiter Grimstad Adressetidende og kjem ut tre gonger i veka.

Tettstader

• Fevik
• Grimstad
• Jortveit

Folk tilknytta Grimstad

• Henrik Ibsen, forfattar. Ibsen budde i Grimstad frå 1844 til 50 som apotekarlærling. Han flytta vidare til Oslo for å studera. Ibsenhuset museum (opna i 1909) var bustad frå 1847.
• Knut Hamsun, forfattar, budde på garden Nørholm frå 1918 til 1952. Han fekk Nobelprisen i litteratur i 1920.
• Clara Thue Ebbell (1880–1971), forfattar
• Dag Otto Lauritzen (f. 1956), tidlegare syklist
• Thor Hushovd (f. 1978), syklist

Bakgrunnsstoff

• Grimstad turistinformasjon
• Grimstad Adressetidende
• Kommunefakta Aust-Agder frå Statistisk Sentralbyrå