Grip stavkyrkje

Grip stavkyrkje
Foto: kirkenorge.no
Generelt
Kyrkjesamfunn:	Den norske kyrkja
Bispedøme:	Møre
Prosti:	Ytre Nordmøre
Fellesråd:	Kristiansund
Sokn:	Kristiansund
Innvigd:	Truleg kring 1470
Endringar:	1621, 1860-70-åra, 1932/33
Arkitektur
Type:	Langkyrkje
Teknikk:	Stavverk
Materiale:	Tre
Skip:	Einskipa
Kyrkjerommet
Altartavle:	Alterskåp frå kring 1515
Plassar:	80 seter
Grip stavkyrkje på Commons

Grip stavkyrkje står i det fråflytte fiskeværet Grip på øya Grip utom Kristiansund by i Kristiansund kommune i Møre og Romsdal fylke. Kyrkja plar daterast til kring 1470. Kyrkja har framleis mellomalderkjernen inntakt, men mange bygningsdeler er fornya. Skipet og koret har same breidda, 6,5 meter. I 1621 vart veggene i koret skifta og dei nye veggane vart måla. I 1870-åra vart det laga nye vindaugsopningar, og ytter- og innerveggane vart panelte og kvitmåla.

Alteret og alterskåpet frå kring 1515.

Foto: Peter John Acklam

Plasseringa til Grip stavkyrkje

I 1933 vart det gjort ei omfattande restaurering. Kyrkja vart heva og sett på nytt fundament. Ytterveggane vart bordkledde og tjørebreidde og panelet inni kyrkja vart avdekt. Slik kyrkja står i dag trur ein at ho var på 1600-talet. Det gamle mellomalder-altarskåpet, som truleg er laga i Nederlanda, vart òg atterinnsett. Motivet på altarskåpet er Jomfru Maria flankert av Olav II Haraldsson (heilag-Olav) og St. Margrethe. St. Margrethe vert i katolsk kristendom rekna som ei av dei 14 nødhjelparane som vert påkalla ved sjukdom. Det finst òg ei avbilding av henne i Bergen Museum på to altarskåpfløyer som kom til Bergen Museum frå Hjørundfjord kyrkje på Sunnmøre i 1864.

Kjelder

Denne artikkelen byggjer på «Grip stavkirke»» frå Wikipedia på bokmål som oppgjev desse kjeldene:

• Gunnar Bugge: Stavkirkene i Norge, Oslo 1981, ISBN 82-09-01890-6
• «Grip stavkirke» på nettstaden stavkirke.org

Bakgrunnsstoff

• Om Kristiansund kyrkjelyd på nettstaden til Den norske kyrkja
• Kart frå 1979 som viser kyrkjestader og soknegrenser, på nettstaden til Universitetet i Bergen
• «Kirkebøker, Møre og Romsdal» på nettstaden til Arkivverket
  Denne kyrkjeartikkelen som har med Møre og Romsdal å gjere er ei spire. Du kan hjelpe Nynorsk Wikipedia gjennom å utvide han.