Gustav Martinsen
| Gustav Martinsen | |
| Statsborgarskap | Noreg |
| Fødd | 5. november 1843 Drammen kommune |
| Død | |
| Yrke | politikar |
| Språk | norsk |
| Politisk parti | Høgre |
Gustav Martinsen (5. november 1843–19. mars 1920) var ein norsk forretnings- og industrimann, politikar Høgre frå Drammen, der faren var handelsmann.
Martinsen arbeidde i faren sin handel i Drammen. I 1870 starta han eiga forretning i heimbyen, som han i 1873 utvida til grossisthandel. Han flytta i 1884 til Kristiania, der han saman med Ole Amundsen grunnla Bjølsen Valsemølle. Frå 1885 var han dagleg leiar for verksemda.
1900-02 var Martinsen varaordførar i Kristiania, frå 1905 var han formann i Noregs Bank sitt forstandarskap. Elles formann i Brukseiernes landsforening, Akerselvens brukseierforening og av Norsk mølleforening.
Martinsen sat to periodar på Stortinget for Høgre frå valkrinsen som omfatta byane Kristiania, Hønefoss og Kongsvinger; 1901–03 og 1904–06. Han var medlem av budsjettkomiteen 1900-06 og av Lagtinget 1903-06. I 1903 var han med i Stortinget sin deputasjon til opninga av Ofotbanen, og i 1905 var han medlem av spesialkomiteen.
Martinsen vart tildelt 7. juni-medaljen, St. Olavs Orden og Dannebrogordenen.
Kjelder[endre | endre wikiteksten]
- Lindstøl, Tallak:Stortinget og Statsraadet 1814-1914. Kristiania, 1914, side 583, digital utgåve
- Biografisk informasjon om Gustav Martinsen NSD Norsk senter for forskningsdatas politikararkiv