Håvard Flo

Håvard Flo (fødd 4. april 1970) er ein norsk fotballspelar/trenar. Han spelar spiss for Sogndal fotball, og skal frå 2008-sesongen fungere som spelande sportssjef. Flo har til saman spela 26 A-landskampar. Flo skåra Norges mål i VM-kampen mot Skottland i 1998, og er notert med totalt 7 landslagsmål.

Til likskap med resten av Flo-familien byrja Håvard Flo fotballkarriera i Stryn Fotball, og drog etter dette til Sogndal. I 1995 gjekk han til den danske klubben AGF Aarhus, og spelte seinare i tyske Werder Bremen og engelske Wolverhampton. I Wolverhampton blei Flo aldri noko meir enn ein benkeslitar, og han gjekk gratis attende til Sogndal sommaren 2001 der han spelte resten av karrieren. Han var Sogndal sin toppskårar i serien i fleire sesongar, med 12 seriemål i 1. divisjon i 2006, 15 i 2007 og åtte i 2008-sesongen. Sommaren 2007 prøvde Brann å hente Flo til klubben som ein erstattar for spissen Bengt Sæternes som vart selt til danske OB. Brann ønskte i første omgang å låne Flo, men både dåverande sportsleg leiar Anders Giske, og Håvard Flo sjølv sa nei.

Håvard Flo er fetter av Jostein og Tore André Flo.

Karriere som spelar

(oppdatert 28. januar 2008)

Klubb	Kampar	Mål	Periode
Stryn	?	?	????-1990
Sogndal	144	57	1990-1994
AGF Aarhus	53	27	1994-1996
Werder Bremen	55	5	1996-1999
Wolverhampton	43	10	1999-2001
Sogndal	208	87	2001-