Håvard Klemetsen

Frå Wikipedia – det frie oppslagsverket
Gå til: navigering, søk
Håvard Klemetsen i 2006

Håvard Klemetsen (fødd 5. januar 1979) i Kautokeino er ein norsk kombinertrennar som representerer Kautokeino Idrettslag og er busett i Trondheim. Han vann VM-gull for Noreg i lagtevlinga i ski-VM 2005 i Oberstdorf og VM-bronse i Sapporo to år seinare. I 2011 fekk han individuelt ein fjerdeplass i ski-VM i Oslo, og i 2014 tok han OL-gull i Sotsji saman med resten av kombinertlaget. Klemetsen har pr dato vunne ein verdscupsiger og er noregsmeister to gongar. Han har sin styrke i hoppbakken, og har leia fleire kombinertrenn føre langrennsdelen.

Aktiv[endre | endre wikiteksten]

Klemetsen debuterte i verdscupen nyårsdag i 2003. I januar 2005 vart han nummer sju i eit verdscuprenn i Schonach, hans beste plassering til dess. Han fekk plass i den norske VM-troppen og vart nummer 20 i den ordinære kombinertøvinga, før han 23. februar 2005 vart verdsmeister for Noreg i lagøvinga, saman med Petter Tande, Magnus Moan og Kristian Hammer. Under dei olympiske leikane i 2006 vart det ein ny 20. plass individuelt.

Midt i januar 2007 vart Klemetsen nummer fire i verdscupen i Lago di Tesero, hans beste verdscupplassering så langt. I VM 2007 i Sapporo kom han på 16. og 19. plass i dei individuelle tevlingane, men vann bronsen i lagkonkurransen saman med Espen Rian og førnemnde Petter Tande og Magnus Moan.

Etter nokre sesongar med få gode prestasjonar nærma Klemetsen seg verdseliten i 2011-sesongen. Han deltok i begge dei individuelle tevlingane i verdsmeisterskapen i Oslo og vart nummer ni i øvinga der det vart hoppa i normalbakken. I den siste øvinga, då det vart hoppa i storbakken Holmenkollbakken, overraska han stort og vart beste nordmann på fjerdeplass.

Klemetsen tok sin fyrste verdscupsiger 3. desember 2011 på Lillehammer. Det vart då hoppa i 100-metersbakken og gått 10 km langrenn, der Klemetsen spurtslo Alessandro Pittin frå Italia med to tidels sekundar. Knapt eit år seinare oppnådde Klemetsen sin andre pallplass i verdscupen, også då på Lillehammer, der han i ei kombinertøving med strafferundar vart slått av Magnus Moan med fem sekundar.

Besteplasseringar i internasjonale meisterskap og renn[endre | endre wikiteksten]

  • 2003: Nr 23 i Chaux-Neuve
  • 2004: Nr 13 i Seefeld og Lahti
  • 2005: Nr 7 i Schonach og i Liberec
  • 2005/06: Nr 8 i Ruhpolding og Ramsau
  • 2007: Nr 4 i Lago di Tesero
  • 2008: Nr 4 i Klingenthal
  • 2009: Nr 7 i Lahti
  • 2010: Nr 18 i Holmenkollen
  • 2011: Nr 4 i ski-VM i Oslo
  • 2011/12: Vinnar på Lillehammer
  • 2012/13: Nr 2 på Lillehammer

Medaljar og besteplasseringar i noregsmeisterskap[endre | endre wikiteksten]

  • 2002: Nr 5 i Høydalsmo
  • 2003: Nr 8 i Molde
  • 2004: Nr 4 i kombinertsprint på Bardufoss
  • 2005: Gullmedalje og bronsemedalje (sprint) på Lillehammer
  • 2006: Bronsemedalje på Kongsberg
  • 2007: Sølvmedalje i Bardu
  • 2008: Sølvmedalje (sprint) og bronsemedalje i Trondheim
  • 2009: Nr 5 i fellesstart på Gjøvik
  • 2010: Nr 5 i Stokke
  • 2011: Sølvmedalje på Steinkjer
  • 2013: Gullmedalje på Vang

Bakgrunnsstoff[endre | endre wikiteksten]