Høddvoll stadion
| Høddvoll stadion | |||||
| Brukarar | IL Hødd (fotball, treningar og b-lag) Dimna IL (friidrett) | ||||
| Underlag | Gras | ||||
| Kapasitet | 4 433 | ||||
| Historiske årstal | |||||
|---|---|---|---|---|---|
|
|||||
Høddvoll stadion (innvigd 1963 i Ulsteinvik) er eit idrettsstadion og den gamle heimebanen åt IL Hødd sitt A-lag.
Då Skeid gjesta og gav Hødd det tredje heimenederlaget sitt nokon sinne (tap 2-3) den 7. mai 1965, vart det sett publikumsrekord med 7 500 tilskodarar, den førre var frå året før då 6 900 tilskodarar såg besøket frå Brann.[1] Den endelege rekorden kom til kvartfinalen i Noregsmeisterskapen i fotball for herrar 1981, då over 12 000 billetter var trykt og seld, medan der var endå fleire som kom inn gratis, sjølv om laget tapte mot Vålerengen med 1-2. Oppmann Severin Myklebust hadde i forkant trudd på rundt 7 000 selde billettar. Eit overbygg for tribune kom i 1992, og då Hødd spelte i Tippeligaen 1995 var her komen ny ståtribune, og i 1999 nytt gras og tartandekke. Hødd var spesielt frykta heime på Høddvoll, blant anna på grunn av det påståtte ujamne underlaget på banen. Kapasiteten er i dag 4 433 tilskodarar, der 2 600 er seter og 1 733 er ståplassar.
18.juli 2013 vart ein ny merkedag for Høddvoll då stadion blei brukt i Europaliga kvalifiseringa mot Aktobe.
No er ikkje Høddvoll lenger i bruk som fotballstadion for a-laget, sidan Nye Høddvoll vart klar til sesongstarten 2015. [2]
Kjelder[endre | endre wikiteksten]
- ↑ «Ny rekord: 7500 så Hødd». VG. 9.5.1966.
- ↑ «Storstilt opning av Nye Høddvoll».
Bakgrunnsstoff[endre | endre wikiteksten]
- Høddvoll stadion Arkivert 2013-12-02 ved Wayback Machine. på Hodd.no
- Høddvoll stadion på "www.stadionsiden.com"