Høge Tatra

Høge Tatra
Panorama av Høge Tatra, fjella frå venstre til høgre: Gerlachovský štít, Batizovský štít, Kačací štít, Končistá, Gánok, Vysoká og Rysy
Høgd over havet	Gerlachovský štít (2655 moh)
Ligg i/på	Slovakia Polen
Fjellkjede	Dei austlege Tatrafjella
Plasseringa til Høge Tatra i Slovakia og Polen.

Høge Tatra (slovakisk og tsjekkisk Vysoké Tatry, polsk Tatry Wysokie) er ei fjellkjede på grensa mellom Slovakia og Polen. Dei er ein del av Dei austlege Tatrafjella.

Skildring

Høge Tatra har 11 toppar utan 2500 meter over havet er i lag med Dei sørlege Karpatane dei einaste fjella med alpin karakter i heile Karpatane, som har ei lengd på 1200 km.

Den største delen og alle dei høgaste toppane ligg i Slovakia. Den høgaste toppen er Gerlachovský štít på 2655 moh. Mange sjeldne og endemiske dyr- og planteartar finst i Høge Tatra, i tillegg til store rovdyr som bjørn, gaupe, mår, ulv og rev.

Området er ein kjend vintersportstad. Av skistader finn ein Štrbské pleso, Starý Smokovec og Tatranská Lomnica i Slovakia og Zakopane i Polen. Byen Poprad er inngangen til dei slovakiske feriestadane.

Den første europeiske nasjonalparken som kryssa landegrenser vart grunnlagd her, Tatra nasjonapark eller Tatranský národný park i Slovakia i 1948 og Tatrzański Park Narodowy i Polen i 1954.

Fjelltoppar

Høgaste toppar

Dei alpine fjella i Høge Tatra trekkjer til seg mange fjellklatrar

Fjellhytter, slik som denne på veg opp til Lomnický štít er vanleg å sjå i Høge Tatra.

Dei femten høgaste toppane i Høge Tatra, alle i Slovakia, er:

Fjelltoppar	Høgd (m)
Gerlachovský štít	2655
Gerlachovská veža	2642
Lomnický štít	2633
Ľadový štít	2627
Pyšný štít	2623
Zadný Gerlach	2616
Lavínový štít	2606
Malý Ľadový štít	2602
Kotlový štít	2601
Lavínová veža	2600
Malý pyšný štít	2591
Veľká Litvorová veža	2581
Strapatá veža	2565
Kežmarský štít	2556
Vysoká	2547

Kjende toppar

• Kriváň
• Rysy, grenseovergang mellom Slovakia og Polen.

Fjellvatn

• Morskie Oko - 1395 moh, 51 m djup
• Czarny Staw pod Rysami - 1583 m, 76 m djup.
• Wielki Staw Polski - 1664 m, 79 m djup.
• Štrbské pleso - 1347 m, 20 m djup.
• Veľké Hincovo pleso - 1945 m, 54 m djup.

Veľké Žabie pleso (Mengusovské), vatn i Žabiadalen

Panorama av Høge Tatra frå Poprad

Kjelder

• Denne artikkelen bygger på «High Tatras» frå Wikipedia på engelsk, den 12. mai 2008.

• The Tatras: High, Western, Bela's (1:50,000 hiking map) BBKart/Marco Polo 2005.

Bakgrunnsstoff

Commons har multimedia som gjeld: High Tatras

• tatry.sk
• tatry.org
• Høge Tatra på Summitpost.org

Images:

• Forskjellige kart