Høgskolen i Hedmark
| Høgskolen i Hedmark | |
| Grunnlagt | 1994 |
|---|---|
| Type | Statleg høgskole |
| Rektor | Lise Iversen Kulbrandstad |
| Stad | Hamar, Elverum, Åmot, Stor-Elvdal |
| Studentar | 5 250 |
| Tilsette | 450 |
| Nettstad | www.hihm.no |
Høgskolen i Hedmark (HH) vart etablert 1. august 1994 og har 5 250 studentar og 450 tilsette. Høgskolen er ein av 22 statlege høgskolar i Noreg og er eit resultat av at fire statlege høgskolar på Hamar, Elverum, Åmot og Stor-Elvdal vart slått saman som ein del av Høgskolereformen i 1994.
Høgskolen har i dag undervising ved fire campus; Hamar, Elverum, Åmot og Stor-Elvdal, i tillegg til desentraliserte studiestader på Tynset, Kongsvinger og Otta. Hovudadministrasjonen ligg i Elverum. Høgskolen deltar i eit utviklingsprosjekt saman med Høgskolen i Lillehammer og Høgskolen i Gjøvik med sikte på å utvikle universitetskompetanse, Prosjekt Innlandsuniversitetet.
Høgskolen tilbyr vel 100 fag- og profesjonsstudiar innan følgjande fagområde;
- Lærarutdanningar
- Helse og idrett
- Økonomi og leiing
- Kommunikasjon og samfunn
- Språk og kultur
- Skog, miljø og natur
- Landbruk og bioteknologi
- Design, spel og media
Studiane kan takast i varierande lengd frå halvårseiningar til bachelorgrader, mastergrader og enkelte doktorgradstudiar, i tillegg til ei rekke kurs-, etter- og vidareutdanningar.
Høgskolen sine fire avdelingar:
- Helse og idrettsfag - HI, Campus Elverum
- Lærarutdanning og naturvitskap - LUNA, Campus Hamar
- Skog og utmarksfag - SUE, Campus Evenstad
- Økonomi, samfunnsfag og informatikk - ØSIR, Campus Rena
Høgskolen tilbyr internasjonalisering av studiar. Det er mogleg å ta delar av den ordinære utdanninga i utlandet, eller ein kan halde fram med utdanninga i utlandet etter fullførde studiar.
