Half-Life

Frå Wikipedia – det frie oppslagsverket
Denne artikkelen handlar om det fyrste spelet i serien. For ein oversikt over heile serien, sjå Serien Half-Life.
Half-Life

Utviklar(ar)Valve Software
Utgjevar(ar)Sierra Entertainment
DistributørSteam
ForfattarMarc Laidlaw
Komponist(ar)Kelly Bailey
SerieHalf-Life
SpelmotorGoldSrc
Plattform(er)Linux, PlayStation 2, Microsoft Windows, macOS
UtgjevingPC: 19. november 1998 PlayStation 2: 15. november 2001
SjangerFyrstepersonsskytespel
SpelemodusEnkelt og fleirspelar
Aldersgrense16 år
MediumCD-rom, DVD-rom, netlasting frå Steam
Nettstadhttp://half-life.com/
Del av serien Half-Life⠀
Half-Life 2→

Half-Life (HL eller HL1) er eit futuristisk fyrstepersonsskytespel, laga av Valve Software, først utgjeve av Sierra Studios den 19. november 1998, for datamaskiner som køyrer Microsoft Windows. Den 14. november 2001 vart spelet gjeve ut til spelkonsollen Playstation 2. Half-Life brukar ein tungt modifisert utgåve av den første Quake-motoren.

I Half-Life spelar du som Gordon Freeman, ein nyleg uteksaminert teoretisk fysikar. I ein hemmeleg underjordisk amerikansk rakettbase ved namn Black Mesa, gjer ein forsøk på teleportering til andre verder. Når dette går gale må Freeman sjølv trå til for å stoppe ein utanomjordisk invasjon og redde sine medarbeidarar.

Half-Life har rekorden for mest selde dataspel innan si sjanger, med 8 millionar selde. Spelet vart opplevd som stort nybrottsarbeid, då det gjekk heilt bort ifrå filmsekvensar for å fortelje ei historie. I staden fokuserte ein på fyrstepersonsperspektivet til spelaren, som opplevde førehandsdefinerte sekvensar som området gjekk igjennom og datastyrte karakterar utførte.

Handling[endre | endre wikiteksten]

Spelet sin handling blei opphavleg inspirert av videospela Doom, Quake (båe spel produsert av id Software) og Resident Evil (utgiven av Capcom), Stephen King si novelle The Mist, og ein episode av The Outer Limits kalla «The Borderland».

Utvidingar[endre | endre wikiteksten]

To utvidingar vart laga av selskapet Gearbox Software for dataversjonen: Half-Life: Opposing Force (1999) og Half-Life: Blue Shift (2001). Half-Life: Decay var ei anna utviding av Gearbox, utgjeven for å følgje med på PlayStation 2 utgåva av Half-Life.

I 1999 følgde Team Fortress Classic med i ei oppdatering til Half-Life. Dette var skapt av tilsette i Valve, som tidlegare hadde laga Team Fortress til Quake som hobby. Oppfølgjaren til TFC kom med The Orange Box i 2007.

I 2004 kom oppfølgjaren Half-Life 2, som vart særs godt motteken av kritikarar og publikum. Serien har fortsett i mindre episodar.

Modifikasjonar[endre | endre wikiteksten]

Valve oppfordra og hjelpte til for eit levande modifiseringsmiljø rundt dette spelet, og miljøet blomstra sterkt. Verktøy for å lage brett vart levert gratis med spelet sin CD. Valve gav også ut eit gratis verktøy for å utvikle programvare.

Liste av modifikasjonar til hl

Mottaking[endre | endre wikiteksten]

Half-Life sine mottakelse var overveldande positiv. Spelet har vunne over 50 Game of the Year-prisar. På nettstaden Metacritic ligg spelet på ein score på 96 av 100. Guinness World Records tildelte Half-Life verdsrekorden for «Bestseljande fyrstepersonsskytespel nokon gong (til PC)» i Guinness World Records: Gamer Edition 2008.

Ein kortfilm basert på Half-Life med tittelen Half-Life: Uplink, blei utvikla av Cruise Control, eit britisk reklamebyrå, og blei given ut den 15. mars 1999. Filmen fekk dorlege tilbakemeldingar.

Kjelder[endre | endre wikiteksten]

Bakgrunnsstoff[endre | endre wikiteksten]