Hanne Harlem

Frå Wikipedia – det frie oppslagsverket
Gå til: navigering, søk

Hanne Harlem (fødd 20. november 1964) i Oslo er ein norsk jurist og politikar for Arbeidarpartiet.

Hanne Harlem var statsråd og sjef for justisdepartementet (justisminister) i Jens Stoltenberg si første regjering 17. mars 2000-19. oktober 2001.

Utdanning og karriere[endre | endre wikiteksten]

Hanne Harlem er cand.jur. frå Universitetet i Oslo i 1990.

Ho var deretter i 1990 personleg rådgjevar i Barne- og familiedepartementet, tilsett som advokatfullmektig hos Regjeringsadvokaten frå 1990, byråd for barn og utdanning i Oslo i 1992-93 og dommarfullmektig i Nord-Troms heradsrett i 1993-95. Ho var så advokat hos Regjeringsadvokaten i 1995-97 og sjefsjurist hos Kredittilsynet i 1998. Frå 1998 var ho advokat og seinare assisterande direktør i Norsk Hydro til ho blei justisminister frå 17. mars 2000. Etter tida som justisminister heldt ho hausten 2001 fram i jobben som assisterande direktør i Norsk Hydro.

I 2004 blei Hanne Harlem tilsett som universitetsdirektør ved Universitetet i Oslo. Ho gjekk av som direktør ved UiO våren 2007, og begynte 11. mai 2007 som styreleiar for den nye samanslåtte helseforetaket Helse Sør-Øst RHF.

Verv[endre | endre wikiteksten]

Hanne Harlem har sidan midten av 1980-talet hatt ei lang rekke verv, mellom anna som medlem av Oslo bystyre. I studietida var ho medlem av Det akademiske kollegium ved Universitetet i Oslo og fakultetsrådet ved Det juridiske fakultet. Ho har vore sensor ved universiteta i Oslo, Bergen og Tromsø og hatt undervisingsoppdrag i Tromsø. Harlem har vore styreleiar ved Sunnaas sykehus og nestleiar i styret for Ullevål sykehus. Ho sit som styreleiar for Hydrokraft AB og er medlem av NHO sitt hovudstyre.

1. august 2007 gjekk Harlem inn i styret til stiftinga Handelshøgskolen BI, der ho etter planen skal sitje til 31. juli 2010[1].

Anna[endre | endre wikiteksten]

Hanne Harlem er dotter til tidlegare mangeårig statsråd Gudmund Harlem og ei mykje yngre søster til tidlegare statsminister Gro Harlem Brundtland. Ho er gift med advokat Sam E. Harris.

Kjelder[endre | endre wikiteksten]

Hanne Harlem hos Stortinget.no, vitja 18. april 2010

Fotnotar[endre | endre wikiteksten]