Harald V av Noreg

Harald V av Noreg
Kong Harald V av Noreg
Konge av Noreg
Regjeringstid	17. januar 1991 -
Fødenamn	Harald
Fullt namn	Harald V
Titlar	Konge av Noreg
Fødd	21. februar 1937, Skaugum i Akershus i Noreg
Føregjengar	Olav V av Noreg
Ektefelle	Sonja Haraldsen
Motto	«Alt for Norge»
Hus	Fyrstehuset Schleswig-Holstein-Sonderburg-Glücksburg
Far	Olav V av Noreg
Mor	Märtha av Noreg
Born	Märtha Louise av Noreg Haakon Magnus av Noreg

Kong Harald V av Noreg er kongen av Noreg sidan 1991. Harald var kronprinsregent frå mai 1990, då far hans var sjuk. 17. januar 1991 døydde kong Olav, og Harald vart då ny konge. Han vidareførte valspråket til faren og farfaren sin, «Alt for Norge». Lik faren sin vart han signa i Nidarosdomen i Trondheim.

Kongen talar ved kyrkjemøtet 2006.

Kongen er øvste leiaren for Den norske kyrkja og øvstkommanderande for den norske hæren.

Barndom

Kong Harald vart fødd på Skaugum den 21. februar 1937 som son av kronprinsparet Olav og Märtha. Han har to eldre søstrer, prinsesse Ragnhild fru Lorentzen og prinsesse Astrid fru Ferner. Harald V høyrer til det nordtyske fyrstehuset Schleswig-Holstein-Sonderburg-Glücksburg.

Under Den andre verdskrigen flykta kronprinsesse Märta med dei tre barna til Sverige og sidan til USA, der dei budde i Washington, D.C. til krigen var over.

Då prinsen kom tilbake til Noreg, gjekk han på Smestad skule, der ei politivakt i gangen var det einaste som skilde han frå dei andre skulebarna.

Utdanning

Etter at han fekk artium gjekk prins Harald inn i militæret, først på Kavaleriets befalsskule og sidan på Krigsskulen, der han vart uteksaminert i 1959. Deretter drog han til Balliol College i Oxford der han studerte historie, samfunnsvitskap og økonomi.

Kong Harald som kronprins (lengst til venstre) med far sin, kong Olav, under fredsprisutdelinga i 1963.

Kronprins

Då kong Haakon VII døydde den 21. september 1957 blei prins Harald kronprins. Han møtte til statsråd, og opptrådde som regent når kong Olav var vekke, første gong i 1958.

Familie

Kronprinsen gifta seg den 29. august 1968 med Sonja Haraldsen, som no er dronning Sonja. Dei to hadde kjent kvarandre i ni år, men det at ho kom frå borgarskapet og altså ikkje var adeleg vart då sett på som eit problem. Etter at kong Olav hadde rådspurd regjeringa og ulike stortingsleiarar, fekk dei to lov til å gifta seg.

Paret fekk ungane Märtha Louise og Haakon Magnus i 1971 og 1973.

Interesser

Harald byrja å segla i ti-årsalderen og har halde denne interessa ved like sidan. I 1964 deltok han i Dei olympiske leikane i Tokyo, og i 1987 vart han og mannskapet på Fram X verdsmeistrar i segling for eitt-tonnarar. I 2005 tok kongen og mannskapet på Fram XV gull i EM i Sverige.

Kong Harald er innehavar av ei lang rekkje ordnar, m.a. St. Olavs Orden.

Meisterskap

Segling

Meisterskap	1964	1968	1972	1974	1984	1987	1988	2005
Sommar-OL	7	11	10
Verdsmeisterskapen
Europameisterskapen

• Kronprins Harald av Noreg bar det norske flagget under opninga av Sommar-OL 1964.

• 

  Kong Harald Vs monogram

• 

  Kong Harald V og Dronning Sonjas fellesmonogram

• 

  Prinsesse Märtha Louise, Dronning Sonja, Bill Clinton, og Kong Harald V, 1. november 1999

• 

  Prinsesse Ingrid Alexandra, Kronprins Haakon, Kronprinsesse Mette-Marit, Dronning Sonja og Kong Harald V på slottsballkongen, 17. mai 2007

• 

  Prinsesse Astrid, Dronning Sonja, Svetlana Medvedev, Dmitry Medvedev, Kong Harald V, Kronprinsesse Mette-Marit og Kronprins Haakon, 26. april 2010

• 

  Kong Harald V og Dmitry Medvedev utanfor Slottet i Oslo i Noreg, 26. april 2010

• 

  Ingrid Schulerud, Jens Stoltenberg, Dmitry Medvedev, Svetlana Medvedev, Kong Harald V, Dronning Sonja og Kronprins Haakon, 27. april 2010

• 

  Dronning Sonja og Kong Harald V ankom Konserthuset i Stockholm i Sverige, dagen før bryllaupet til Kronprinsesse Victoria og Daniel Westling (no Prins Daniel), 18. juni 2010

Bakgrunnsstoff

• www.kongehuset.no

Føregjengar Olav V

Konge i Noreg 1991

Etterfylgjar Haakon Magnus er kronprins