Haukeland universitetssjukehus

Frå Wikipedia – det frie oppslagsverket
Gå til: navigering, søk

Koordinatar: 60°22′26.299″N 5°21′33.984″E

Sentralblokka Haukeland universitetssjukehus frå sør
Laboratoriebygget midt i biletet. Sentralblokka til høgre. Bygg for biologiske basalfag til venstre. Apotek/Verkstedbygg nedst.
Foto: Svein Harkestad
Barneklinikken
Foto: Svein Harkestad
Gamle Hovedbygg
Foto: Svein Harkestad
Kvinneklinikken
Foto: Svein Harkestad
Administrasjonsbygget
Foto: Svein Harkestad
Gamle Gades
Foto: Svein Harkestad
Haukeland hotell ved Haukeland universitetssjukehus
Foto: Svein Harkestad
Parkbygget (Kreftavdeling)
Foto: Svein Harkestad

Haukeland universitetssjukehus er eit sjukehus i Årstad bydel i Bergen kommune.

Tidlegare heitte sjukehuset Haukeland Sykehus og var ein av elleve institusjonar som vart slått saman til Helse Bergen HF gjennom sjukehusreforma i 2002. I dag er Helse Bergen HF den juridiske nemninga på føretaket, medan namnet Haukeland universitetssjukehus blir brukt om alle einingar i alle samanhengar som har med pasientbehandling å gjere. Haukeland universitetssjukehus har ansvar for spesialisthelsetenesta i Bergen og 22 nabokommunar i Midthordland, Nordhordland, Voss og delar av Hardanger.

Oppgåver[endre | endre wikiteksten]

I tillegg til pasientbehandling, blir det drive ei omfattande forskings- og undervisningsverksemd ved sjukehuset. Haukeland universitetssjukehus har Norges nest største medisinske forskingsmiljø, berre Oslo universitetssykehus har større forskingsaktivitet innan medisin- og helsefag. Haukeland har ei rekkje kompetansesenter og spesialfunksjonar på både nasjonalt og regionalt plan. Om lag to tusen studentar har kvart år delar av utdanninga si på sjukehuset.

Historie[endre | endre wikiteksten]

Haukeland universitetssjukehus ligg i bydelen Årstad i Bergen kommune, på området til gamle Haukeland gård. Det som den gongen heitte Haukeland sykehus var ei vidareføring av Bergen kommunale sykehus frå 1754 på Engen i Bergen. Haukeland gård vart kjøpt av Bergen kommune i 1897. Victor Nordan var arkitekt og 2. januar 1912 opna Haukeland sykehus dørene for dei første pasientane. Frå 17. januar same år var det nye sjukehuset i full drift. Haukeland var den gongen eit lokalsjukehus for Bergen og det var kampen mot infeksjonane som hadde hovudfokus. I opningsåret behandla Epidemisk avdeling heile 1012 difteripasientar.

Sjukehusområdet har heile tida blitt bygd ut, endra og bygd om. I nyare tid vart den største utbygginga gjort i perioden 1971 til 1983, då Sentralblokken på 125 000 kvadratmeter vart oppført. Dei seinare åra har blant anna Haukeland hotell, Laboratoriebygget og Parkbygget kome til. I 2020 skal Haukeland universitetssjukehus sitt nye barne- og ungdomssenter stå ferdig.

Kjelde[endre | endre wikiteksten]

Bakgrunnsstoff[endre | endre wikiteksten]