Haweswater-reservoaret

Frå Wikipedia – det frie oppslagsverket
Gå til: navigering, søk
Haweswater Reservoir
Haweswater Reservoir - Sett frå Harter Fell
Sett frå Harter Fell
Stad Lake District i Cumbria
Koordinatar 54°31′08″N 2°48′17″WKoordinatar: 54°31′08″N 2°48′17″W
Type innsjø vassreservoar, naturleg innsjø
Tilsig Mardale Beck, Riggindale Beck
Utsig Haweswater Beck
Tilknytte land England
Største lengde 6,7 km[1]
Største breidde 900 m[1]
Overflateareal 3,9 km²[1]
Middeldjupne 23,4 m[1]
Største djupne 57 m[1]
Vassvolum 76,6 mill m³[1]
Hydraulisk opphaldstid 500 dagar[1]
Høgd over havet 246 m
Øyar 1

Haweswater er eit reservoar i Lake District i England, bygt i dalen Mardale i grevskapet Cumbria. Den kontroversielle utbygginga av Haweswater-demninga starta i 1929, etter Parlamentet vedtok ei lov som gav byrådet i Manchester lov til å bygge reservoaret for å lage ei drikkevasskjelde for byane i Nordvest-England. Det vart stor oppstand sidan landsbyane Measand og Mardale Green låg i Mardale og dei ville verte lagt under vatn. I tillegg vart dalen rekna som ein av dei vakraste i Westmorland og mange meinte ein burde la dalen vere i fred.

Demninga i Haweswater-reservoaret

Opphavleg var Haweswater ein naturleg innsjø somv ar om lag 4 km lang og nesten delt i to av ei landtunge ved Measand. Dei to delane av innsjøen vart kalla High Water og Low Water. Bygginga av demninga heva vassnivået med 29 meter og skapte eit reservoar som var 6 km langt og rundt 600 meter breitt. Demninga er 470 meter lang og 27,5 meter høg, og då han vart bygt vart det rekna som den aller nyaste teknologien sidan han var den første lamelldammen som nokon gong vart bygt. Når reservoaret er fullt held det 84 milliardar liter vatn. Reservoaret er i dag eigd av United Utilities plc.

Før dalen vart lagt under vatn i 1935 vart alle gardane og husa i landsbyane Mardale Green og Measand øydelagde, samt den fleire hundre år gamle Dun Bull Inn i Mardale Green. Landsbykyrkja vart teken ned og steinane nytta i bygginga av demninga. Alle kroppane på kyrkjegarden vart grave opp og gravlagd på ny i Shap. Når vassnivået er lågt kan ein framleis sjå restane etter landsbyen Mardale Green, mellom anna steinmurar og landsbybrua.

Haweswater-dalen er den einaste staden i England der kongeørn hekkar.[2]

Kjelder[endre | endre wikiteksten]