Heikki Ikola
| Heikki Ikola | |
| Statsborgarskap | Finland |
| Fødd | 9. september 1947 (76 år) Jurva |
| Yrke | skiskyttar |
| Høgd | 181 centimeter |
Heikki Johannes Ikola (fødd 9. september 1947) er ein finsk tidlegare skiskyttar frå Jurva i Kurikka. Han vann VM-gullet på 20 km både i 1975, 1977 og 1981, samt gullmedalje for Finland i stafett under VM i skiskyting 1975. I alt tok han fire individuelle medaljar og seks stafettmedaljar i ulike OL og VM i tida 1972-81, alle ti medaljane i gull eller sølv.
Aktiv[endre | endre wikiteksten]
Ikola fekk i 1972 den fyrste av fem sølvmedaljar i stafett med Finland. Både denne fyrste i Sapporo og den fjerde stafettmedaljen i Innsbruck i 1976 var OL-sølv, medan medaljane han fekk i 1974, 1977 og 1979 var VM-sølv. I VM 1975 i Antholz vart han verdsmeister både på 20 kilometer og i stafett, den sistnemnde bragda gjorde han på lag med Heikki Flöjt, Simo Halonen og Juhani Suutarinen. Han vart dessutan nummer fire på 10 km i meisterskapen.
Ikola vart på ny verdsmeister på normaldistansen 20 km under verdsmeisterskapen i Vingrom i 1977, der han slo sølvmannen Sigleif Johansen med 25 sekundar. På finsk heimebane i Lahti i 1981 skaut Ikola 20 blanke treff på 20-kilometeren og tok sin tredje VM-tittel i øvinga, over minuttet føre det austtyske skiskytingsfenomenet Frank Ullrich.
Medaljar og besteplasseringar i internasjonale meisterskap[endre | endre wikiteksten]
- VM i skiskyting 1971 i Tavastehus: Nr 10 på 20 km
- Vinter-OL 1972 i Sapporo: Sølvmedalje i stafett
- VM i skiskyting 1973 i Lake Placid: Nr 11 på 20 km
- VM i skiskyting 1974 i Minsk: Sølvmedalje i stafett, nr 4 på 20 km
- VM i skiskyting 1975 i Antholz: Gullmedalje på 20 km og i stafett
- Vinter-OL 1976 i Innsbruck: Sølvmedalje på 20 km og i stafett
- VM i skiskyting 1977 i Vingrom: Gullmedalje på 20 km og sølvmedalje i stafett
- VM i skiskyting 1978 i Hochfilzen: Nr 4 på 20 km
- VM i skiskyting 1979 i Ruhpolding: Sølvmedalje i stafett, nr 7 på 20 km
- Vinter-OL 1980 i Lake Placid: Nr 18 på 20 km
- VM i skiskyting 1981 i Lahti: Gullmedalje på 20 km
- VM i skiskyting 1982 i Minsk: Nr 16 på 10 km
Kjelder[endre | endre wikiteksten]
- Sportsboken, aktuelle årgangar
- Einskildmenn
- Fødde i 1947
- Finske skiskyttarar
- Verdsmeistrar i skiskyting
- Olympiske sølvmedaljevinnarar for Finland
- Medaljevinnarar under vinter-OL 1972
- Finske deltakarar under vinter-OL 1972
- Skiskyttarar under vinter-OL 1972
- Medaljevinnarar under vinter-OL 1976
- Finske deltakarar under vinter-OL 1976
- Skiskyttarar under vinter-OL 1976
- Finske deltakarar under vinter-OL 1980
- Skiskyttarar under vinter-OL 1980