Heilage Marta, mor til Simeon stylitten

Frå Wikipedia – det frie oppslagsverket
Gå til: navigering, søk

Marta, mor til Simeon stylitten, er ein helgen i ortodoks kristendom. Festdagen hennar er 4. juli (ofte etter den julianske kalenderen, som tilsvarer 17. juli i den gregorianske).[1]

Liv[endre | endre wikiteksten]

Marta vart fødd i Antiokia og levde på 500-talet. Frå ungdomen skal ho ha sikta ho mot eit nonneliv, men foreldra hennar overtalte ho til å gifte seg. Mannen hennar, Johannes, døydde snart og Marta strevde med å oppdra sonen. Ho var eit døme for etterfølgje for sonen sin: Marta vitja ofte kyrkjer og katedralar, høyrte nøye på gudstenestene og tok ofte nattverd. Kvar natt stod Marta opp for å be, og bad med tårer og hjarteleg varme. Ho æra spesielt døyparen Johannes. Han var vernehelgenen hennar og kom ofte til ho i syn. Marta var snill med dei fattige, gav mat og klede til dei, vitja sjukehus, tente dei sjuke, gravla dei døde og hjelpte menneske som ønska å ta nattverd.

Marta var stillferdig og talte aldri usant, var aldri sint eller krangla med nokon og ingen såg ho trist. Ho var eit førebilete for eit kyskt og fromt liv og mange menneske vart frelst ved å følgje hennar døme. Då son hennar vart ein kjend munk sa ho til han at han ikkje skulle vere stolt av sine handlingar, men tru at alt vart gjort med Guds hjelp.

Marta fekk eit syn om at døden hennar nærma seg: Ho såg englar med lys som sa til ho at dei skulle kome til ho om eitt år. Jomfru Maria viste ho paradis og der såg ho helgenane sine bustader.

Den heilage Marta døydde fredeleg i 551. Kroppen hennar vart gravlagd på fjellet Divnaja, ein stad der sonen hennar, søylehelgenen Simeon, utførte handlingar.

Kjelder[endre | endre wikiteksten]

Fotnotar[endre | endre wikiteksten]