Heinz Fütterer

Frå Wikipedia – det frie oppslagsverket
Heinz Fütterer

Heinz Fütterer og Manfred Steinbach i 1956
Statsborgarskap Tyskland, Vest-Tyskland
Fødd 14. oktober 1931
Elchesheim-Illingen
Død

10. februar 2019 (87 år)
Elchesheim-Illingen

Yrke friidrettsutøvar, sprintar
Språk tysk
Høgd 164 centimeter
Heinz Fütterer på Commons

Heinrich Ludwig Fütterer, kjend som Heinz Fütterer, (14. oktober 193110. februar 2019) var ein tysk friidrettsutøvar frå Illingen i Baden-Württemberg som tevla for Vest-Tyskland, og i OL-samanheng for eit alltysk landslag. Han vart europameister på både 100 meter og 200 meter, fire år seinare vann han EM-gull i 4 x 100 meter stafett. I toppsesongen 1954 tangerte han verdsrekorden på 100 meter til 10,2 sekundar.

Aktiv[endre | endre wikiteksten]

Fütterer vart vesttysk meister i lengdehopp i 1949. Han var utteken til Sommar-OL 1952, men fekk ein muskelskade kort før leikane.

Fütterer vann både 100 m og 200 m under europameisterskapen i Bern i august 1954. Den 31. oktober 1954 tangerte han verdsrekorden til Jesse Owens på 100 meter under eit løp i Japan. Elles i 1954-sesongen tangerte han fyrst europarekorden på 200 meter på 20,9, før han så forbetra den til 20,8 sekundar.

Ein lettare skadd Fütterer vart slått ut i eit mellomheat på 100 meter under sommarleikane i Melbourne i 1956. Han stilte også på det tyske laget på 4 x 100 m stafett, og vart løna med ein bronsemedalje.

Ved den tyske meisterskapen i 1958 vart Fütterer nummer tre på 100-meteren bakom Manfred Germar og Armin Hary. Desse tre sprintarane og Walter Mahlendorf vann gullmedaljen for Vest-Tyskland på 4 x 100 m stafett i EM i friidrett 1958 i Stockholm. Ei veke etter europameisterskapen, 29. august 1958 i Köln, sprang han tredjeetappen då eit vesttysk lag beståande av Martin Lauer, Manfred Steinbach, Fütterer og Manfred Germar sette verdsrekord med 39,5 sekundar.

Fütterer vart vesttysk meister på 100 m i 1951 og 1953-55, samt to gongar på 200 m; 1953-54.

Medaljar og plasseringar i internasjonale meisterskap[endre | endre wikiteksten]

  • EM 1954 i Bern: Gullmedaljar på 100 m – 10,5, framom Rene Bonino, og på 200 m – 20,9, framom Ardalion Ignatjev
  • OL 1956 i Melbourne: Bronsemedalje med Vest-Tyskland på 4 x 100 m stafett
  • EM 1958 i Stockholm: Gullmedalje med Vest-Tyskland på 4 x 100 m stafett

Kjelder[endre | endre wikiteksten]