Helga Pedersen
Foto: Chris Nyborg
Helga Pedersen (fødd 13. januar 1973) frå Vestertana i Tana kommune i Finnmark fylke er ein norsk politikar. Ho er medlem av Arbeidarpartiet, og blei utnemnd til statsråd i Fiskeri- og kystdepartementet i regjeringa Stoltenberg II den 17. oktober 2005. Pedersen blei valt til nestleiar i Arbeiderpartiet i 2007. Ho var fylkesordførar i Finnmark frå 2003 til oktober 2005.
Ho var frå 2001 student på hovudfag i historie. Frå januar 2001 arbeidde ho i halv stilling for UNEP/GRID-Arendal. Ho er utdanna Cand.mag med mellomfag historie 1998, grunnfag russo-sovjetiske studiar 1996, mellomfag russisk i 1995. Pedersen var førstekonsulent i Finnmark fylkeskommune i 1999-2000, var knytt til Samisk nærings- og utredningssenter i 1998, ungdomssekretær ved AUF i Finnmark i 1997 og lærar/assistent på Boftsa skole 1992-1997.
Helga Pedersen har vore fast representant på Finnmark fylkesting frå februar 2000, medlem av Arbeidarpartiets samepolitiske råd frå 1998 og medlem i Finnmark Arbeiderpartis kvinnepolitiske styre frå 1998. Ho var òg politisk rådgjevar i Nærings- og handelsdepartementet frå 17. april til 19. oktober 2001.
[endre] Bakgrunnsstoff
| Norske fiskeri- og kystministrar | |
|---|---|
| Reidar Carlsen (1946–51) · Peder Holt (1951–55) · Nils Lysø (1955–63) · Onar Onarheim (1963) · Magnus Andersen (1963–65) · Oddmund Myklebust (1965–68) · Einar Hole Moxnes (1968–71) · Knut Hoem (1971–72) · Magnus Andersen (1972) · Trygve Olsen (1972–73) · Eivind Bolle (1973–81) · Thor Listau (1981–85) · Eivind Reiten (1985–86) · Bjarne Mørk-Eidem (1986–89) · Svein Munkejord (1989–90) · Oddrunn Pettersen (1990–92) · Jan Henry T. Olsen (1992–96) · Karl Eirik Schjøtt-Pedersen (1996–97) · Peter Angelsen (1997–2000) · Lars Peder Brekk (2000) · Otto Gregussen (2000–01) · Svein Ludvigsen (2001–05) · Helga Pedersen (2005–2009) · Lisbeth Berg-Hansen (2009–) |
