Helge Torvund
| Helge Torvund | |
| Fødd | 20. august 1951 (60 år) |
|---|---|
| Nasjonalitet | Norsk |
| Forfattarperiode | 1977 - |
| Sjanger | Lyrikk |
| Debuterte med | Hendene i byen |
Helge Torvund (fødd 20. august 1951) er ein norsk forfattar og psykolog. Han bur på Ogna i Hå kommune i Rogaland, og er dermed ein jærbu. Han er bror av biletkunstnaren Gunnar Torvund (f. 1948).
Innhaldsliste |
[endre] Tekst med bilete
Torvund har arbeidd saman med mange andre biletkunstnarar og fotografar i avis, bokverk og utstillingar. Blant desse er fotograf Morten Brun, som hadde ei fast spalte med foto og dikt saman med Torvund i Dag og Tid i fem år. Torvund har laga fleire bokverk saman med Knut Bry og ei praktbok saman med Ingvar Moi (Ventar i vinden). Han har hatt ei stor utstilling saman med broren Gunnar Torvund (2rvund) med skulptur og dikt og diktskulpturar. Kjell Nupen gjennomillustrerte gjendiktingane av nordamerikanske indianarsongar som kom ut på Bokklubbens Lyrikkvenner i 1986. Dikta i Blått sug er sett saman med og står til måleri av Lars Hertervig. To av barnebøkene til Torvund er illustrerte av Knut Jørgensen, og Brødfanten har han illustrert sjølv. Våren 2007 kom den kritikarroste diktsamlinga Alt er høy som vart rekna som ei fornying og ei utviding av forfattarskapen.[1]
Torvund har arbeidd som kunstkritikar i Stavanger Aftenblad, og fast lyrikkmeldar i Dagbladet frå 2001. Han har også drive mykje med skriverkstad i skulen etter Kenneth Koch sin metode, og er diktlærar for nettsida Diktkammeret drive av som Dagbladet.no. Helge Torvund har og gjendikta den amerikanske lyrikaren Robert Bly til norsk.
I 2010 skreiv Torvund teksten til «Nede for telling» som Bjørn Eidsvåg gav ut som singel frå albumet Rundt neste sving. Albumet, som var produsert av Thomas Dybdahl vart årest mestselgjande albumet i Noreg og låg som nummer 1. på VG-lista. «Nede for telling» vart mykje spela på radio.
[endre] Utgjevingar
- Vivaldi (Magikon) 2011
- Alabama? (Aschehoug) 2011
- Fantasiblikket (Wigestrand) 2008
- Sjelsord. Om terapi, poesi og hypnose (Samlaget) 2008
- Jæren. Himmel og hav (Natur- og kulturforlaget) 2007
- Alt er høy (Samlaget) 2007
- Opp i dagen (Samlaget) 2005
- Nattlys (Samlaget) 2004
- Trur du på lyng? (Samlaget) 2003
- Blått sug 2002
- Diktkammeret (Samlaget) 2002
- Kitty K. (Samlaget) 2000
- Gå heim og kyss din kvardag 1999
- Robert Bly: Morgondikt. (Samlaget) 1999
- Inntil vidare ventar me her (Samlaget) 1998
- Hjorten kjem når eg syng. Rituelle songar frå nordamerikanske indianarar 1986
- Bare eitt spørsmål til (Samlaget) 1997
- Umerkeleg, merkeleg 1996
- Håplaust forelska i sitt eige skjelett 1995
- Salt 1994
- Avstanden er eit vipeskrik 1992
- Til fots i mitt namn 1990
- Den monotone triumf 1989
- Brødfanten og andre skabelonar 1988
- I vatn, i lys 1988
- Arm i arm med natta 1987
- Multippel møter Morfus med sølvfløyta 1987
- Multippel og Dama med himmelhatten 1986
- På terskelen til morgonhuset 1986
- Han skil dagen 1984
- Lyssmeden 1983
- Menneskerom 1982
- Mennesketing 1981
- Mennesketimar 1980
- Taxameter og puls 1979
- Til dine auge 1978
- Hendene i byen 1977
[endre] Prisar
- Hartvig Kirans minnepris 1982
- Nynorsk litteraturpris for 1989, tildelt 1990. For diktsamlinga Den monotone triumf.
- Samlagsprisen 1996
- Målprisen 2006 frå Rogaland Mållag
- Ordknappen 2008
- Stavanger Aftenblads kulturpris 2011
[endre] Bakgrunnsstoff
- Digitaliserte bøker av Helge Torvund hjå Nasjonalbiblioteket
- Vestlandsforfattere: Torvund
