Henning Rivedal

Henning Rivedal
Fotograf: Maria Olivia Rivedal.
Statsborgarskap	Noreg
Fødd	31. august 1944 (79 år) Rivedal
Yrke	journalist, skribent
Språk	norsk

Henning Leiv Rivedal (fødd 31. august 1944 i Rivedal) er ein forfattar, journalist og kulturpersonlegdom busett på Hermansverk. Han er sentral i Leikanger Mannskor sin årlege Palmerevy og er leiar i Leikanger Mållag. Rivedal var fjernsynsmann i 60- og 70-åra, og er kjend frå Barne-TV og sportssendingar i NRK. I 1979 vart han tildelt Kringkastingsprisen. Han var redaktør i det lokalhistoriske tidsskriftet Systrendingen frå starten i 1993 til 2011.

Henning Rivedal gjekk på Firda Gymnas på Sandane frå 1962 til 1965. Rivedal blei landskjent då han i lag med Bergljot Engeset leia dei første episodane av Barne-TV-programmet Lekestue (1971).

Rivedal var programsekretær i Sportsrevyen i NRK, der han i 1972 vart den første som leia sendingene på nynorsk. Han arbeidde i NRK sentralt og på distriktskontoret for NRK Sogn og Fjordane (1971-83), var kultursjef i Naustdal kommune og skodespelar ved Sogn og Fjordane Teater (blant anna som Olav Haraldson i Bømlo-spelet, 1986), frilansjournalist og informasjonssjef i Sogn og Fjordane fylkeskommune frå 2001 til 2011.

Henning Rivedal har skreve fleire bøker og artiklar innan lokalhistorie, mattradisjonar og sport. Han var også redaktør i Årboka : Sogn og Fjordane i perioden 1993-2008.

Rivedal hoppa 7,10 i lengdehopp (Byrkjelo, 11. juli 1970) for Askvoll og har ei god plassering på adelskalendaren.

Bibliografi

Bøker

• 1979 – Gull i sporet : tankar og samtalar om idrett (Oslo: Samlaget) I fulltekst ved nb.no
• 1993-2008 – Årboka : Sogn og Fjordane (Holmedal: Alden forlag)  [Redaktørar: Henning Rivedal og Atle Hellevik]
• 1994 – Album (Holmedal: Alden forlag) I fulltekst ved nb.no  [Forfattarar: Henning Rivedal og Atle Hellevik]
• 1994 – Sunnfjord energiverk : 80 år : jubileumsskrift (Førde: Sunnfjord energiverk) I fulltekst ved nb.no  [Redaktør: Henning Rivedal]
• 1997 – 90 år med Lerum : 1907-1997 (Sogndal: Lerum)
• 1998 – Sognefjorden (Leikanger: Skald forlag) I fulltekst ved nb.no  [Henning Rivedal (tekst), Leiv Bergum (foto), Jan Talsethagen (omsetjar)]
• 1998 – "Hjelp oss å hjelpe" : Sogn og Fjordane røde kors i 50 år (Førde: Sogn og Fjordane Røde Kors) I fulltekst ved nb.no
• 1999 – I matens rike : ei eksempelsamling med gode døme på små matprodusentar og verksemda deira (Oslo: Kommunal- og regionaldepartementet) I fulltekst ved nb.no
• 1999 – Dalsfjordboka : frå Gaularfjellet til Bulandet (Leikanger: Skald forlag). ISBN 82-7959-007-2 I fulltekst ved nb.no  [Av: Henning Rivedal, Gaute Losnegård, Rolf Losnegård]
• 2000 – Sogn og Fjordane fylkeskommune døgnet rundt (Leikanger: Sogn og Fjordane fylkeskommune)  [Av: Henning Rivedal, Knut Henning Grepstad]
• 2000 – Ung i distrikts-Noreg: Korleis få til noko lokalt? : rapport frå ungdomskonferanse på Rica hotell, Værnes, 6.-8. oktober 2000 (Oslo: Kommunal- og regionaldepartementet) I fulltekst ved nb.no
• 2007 – Lerum i 100 år : 1907-2007 (Sogndal: Lerum)
• 2007 – Sogndal : portrett av ein tettstad (Leikanger: Skald forlag)  [Av: Henning Rivedal (tekst), Leiv Bergum (foto)]
• 2009 – Frå tanntrekking til folketannrøkt : 50 år med tannhelsetenesta i Sogn og Fjordane (Leikanger: Sogn og Fjordane fylkeskommune)
• 2011 – Gamalost (Leikanger: Skald forlag)  [Av: Henning Rivedal, Kjerstin Risnes]
• 2013 – Med helsing frå Sogn og Fjordane (Leikanger: Skald forlag)  [Av: Henning Rivedal (tekst), Leiv Bergum (foto)]
• 2018 – Sunnfjords diamant : Sunnfjord hotell 1968-2018 (Førde: Selja forlag). ISBN 978-82-8240-134-0

I bøker - eit utval

• 2007 – Godnattboka : nynorske forteljingar (Leikanger: Skald forlag)  [Av innhaldet: Grautsnasken / Henning Rivedal, s. 28-35]
• 2009 – Eventyrboka (Leikanger: Skald forlag)  [Av innhaldet: Den reine Overfloda / Henning Rivedal, side 160-167]

I tidsskrift - eit utval

• Lokalhistoriske artiklar Sogn og Fjordane

Utmerkingar

• Kringkastingsprisen

Kjelder

• Lekestue - Christins mimreside - Barne TV
• Gaute Losnegård. «Henning Rivedal». allkunne.no : nynorsk digitalt oppslagsverk. Henta 02.06.2015. 
• «Nynorsken i årstal». Ivar Aasen-tunet. Henta 02.06.2015. 

Bakgrunnsstoff

• «Henning Rivedal». allkunne.no. Nynorsk kultursentrum. Henta 26.05.2015. 

• Om Henning Rivedal i Lokalhistoriske artiklar Sogn og Fjordane