Herman Wedel-Jarlsberg
Johan Caspar Herman greve (von) Wedel-Jarlsberg ((21. september 1779–27. august 1840) var ein norsk politikar. Grevetittelen kom av adelsslekta Wedel-Jarlsberg.
Han vart fødd som eldste son av Anton von Wedel-Jarlsberg, ein dansk minister av tysk opphav. Ved universitetet i København studerte han jus, statsvitskap og filologi. I 1810 gjekk han inn i dansk statsteneste og vart amtmann i Buskerud amt. Etter at faren døydde arva han grevskapet Jarlsberg ved Oslo. Under krigen mot Sverige danna og leia han eit eige frikorps. Då Kielfreden i 1814 i røynda avsto Noreg til Sverige, gjekk han som medlem av nasjonalforsamlinga på Eidsvoll inn for samband med Sverige på visse vilkår. I 1822 vart han stilt for riksrett på grunn av eit statslån teke opp i Berlin, men frikjend. Han trekte seg deretter attende til godset sitt. Trass i dette vart han vald inn på Stortinget, og vart i 1836 utnemnd til statthaldar i Noreg med fullmakt som visekonge.
Han døydde i Wiesbaden i Tyskland.
[endre] Bakgrunnsstoff
- Biografisk informasjon om Herman Wedel-Jarlsberg Norsk samfunnsvitenskapelig datatjenestes politikararkiv
