Hermine Grang
Frå Wikipedia – det frie oppslagsverket
(Omdirigert frå Hermione Granger)
Hermine Grang, (engelsk: Hermione Granger), er ein av hovudpersonane i historiene om trollmannen Harry Potter, forfatta av J.K. Rowling.
Grang med sitt store brune hår er ein av Harry sine beste vener på trollmannsskulen Galtvort. I historiene er ho ein puggehest og stadig den flinkaste i årskullet deira. Foreldra til Hermine Grang er begge heilt umagiske tannlegar. Hermine er altså gompefødt, men er likevel flinkare til å utføra magi enn medelevar som kjem frå reine magikarfamiliar.
Rollefiguren Hermine Grang vert i filmatiseringane av bøkene spelt av Emma Watson.
