Hjelp:Redigeringsforklaring
Redigeringsforklaring eller samandrag er ei kort forklaring av endringar ein har gjort i ein artikkel. Forklaringa blir skrive inn i eit mindre felt merka «Samandrag» under sjølve tekstboksen for endringar. I dette feltet bør ein kort skildre kva ein har endra, gjerne også kvifor.
Andre kan sjå denne forklaringa i lista over dei seinaste endringane og i historikken til artikkelen. Ved hjelp av ei god skildring kan andre bidragsytarar avgjere om endringa er interessant for dei eller ikkje, anten dei ser over lista på Siste endringar eller lurer på korleis ei viss endring fann stad i artikkelen. Legg ein berre ei lita tekst til artikkelen, kan ein kopiere tillegget til beskrivelsesfeltet, men ein kan også nøya seg med å skildra ein retta stave- eller skrivefeil med desse orda, eller ganske enkelt kalla det «flikk» eller «småplukk». Mindre endringar treng ikkje alltid ha forklaring. Merk at skildringa ikkje seinare kan endrast, så ein må vere forsiktig med kva ein skriv.
- Automatisk redigeringsforklaring ved tomt felt
- Viss du opprettar ein ny artikkel kjem byrjinga av artikkelen automatisk i redigeringsforklaringa om du lar samandragsfeltet stå tomt.
- Viss du opprettar ei omdirigering kjem redigeringsforklaringa «Omdirigerer til [tittel]».
- Viss du byrjar endringa ved å klikka på ei overskrift, blir overskrifta lagt inn i samandragsfeltet av seg sjølv.
- Viss du startar ein ny tråd på ei diskusjonsside ved å bruke «+»-fanen, kjem redigeringsforklaringa «Nytt avsnitt: - -> Avsnittsoverskrift» automatisk.
