Hoppe

Frå Wikipedia – det frie oppslagsverket
Gå til: navigering, søk
Finlandshest-hopper
Ei avlshoppe og føl

Ei hoppe eller (når ho er vaksen) merr (norrønt merr og marr) er eit hodyr i hestefamilien. Ordet blir brukt for hest, esel, muldyr og mulesel. Blir hoppa brukt i avl, blir ho kalla avlshoppe. Ein hest av hannkjønn blir kalla hingst eller vallak.

Lynne[endre | endre wikiteksten]

Hopper blir rekna for å vere lettare å handtere enn hingstar, men hoppene har også ein tendens til å kunne vere strie og uviljuge, spesielt når dei nærmar seg brunst.

Bruk[endre | endre wikiteksten]

Hopper blir brukt i all hestesport, sjølv om det er somme som føretrekkjer hingstar framfor hopper. Beduinane føretrekte hopper under sine tokt, fordi hingstane ville vrinske til hestane i motstandarane sin leir, medan hoppene heldt stilt.

Hopper er også brukt til mjølkeproduksjon, spesielt blant nomadar og tidlegare nomadefolk i Sentral-Asia. Gjæra hoppemjølk, kjent som kumis, er nasjonaldrikken i Kirgisistan. Hoppemjølk blir også produsert i Noreg.

Fotnotar[endre | endre wikiteksten]