Hugo Lloris

Frå Wikipedia – det frie oppslagsverket
Gå til: navigering, søk
Hugo Lloris
Hugo Lloris Euro 2012 v2.jpg
Personleg informasjon
Namn Hugo Lloris
Fødselsdato 26. desember 1986
Fødestad Nice i Frankrike
Høgd 188 cm
Posisjon Keeper
Klubbinformasjon
Spelar for Tottenham Hotspur
Draktnummer 1
Ungdomsklubb
1997-2005 Nice
Klubbar*
År Klubb Kampar (mål)
2005-08
2008-
Frankrike Nice
Frankrike Olympique Lyonnais
72 (0)
52 (0)
Landslag**
2006-08
2008-
Frankrike Frankrike U21
Frankrike
3 (0)
8 (0)

* Klubbkampar og mål i nasjonal liga  
er sist oppdatert 11. desember 2009.
** Landskampar og mål er
sist oppdatert 19. november 2009.

Hugo Lloris (fødd 26. desember 1986) er ein fransk fotballspelar. Lloris spelar keeper for Olympique Lyonnais og det franske landslaget.

Lloris vart fødd i Nice, der han òg begynte karrieren sin. Etter tre år i ungdomssystemet til OGC Nice vart han forfremma til A-stallen i 2005. Som nittenåring fekk Lloris den 18. mars 2006 debuten sin for Nice i 1-0-sigeren over Rennes. Han fekk fire kamper til i debutsesongen sin. Sesongen etter vart han fast på laget på bekostning av publikumsfavoritten Damien Gregorini, noko som seinare førte til at Gregorini forlet Nice og gjekk til AS Nancy. Lloris heldt fram med godt spel, og vart etter kvart knytt til fleire europeiske storklubbar.

Etter endå ein sterk sesong heldt spekulasjonane om at Lloris skulle flytte på seg fram. Han vart knytt til den beste klubben i Frankrike, Olympique Lyonnais,[1] som trong ein erstattar for Grégory Coupet, italienske AC Milan,[2] som ville ha han som erstatning for brasilianske Dida, og engelske Tottenham Hotspur,[3] som ville at Lloris skulle erstatte Paul Robinson.

Det vart rapportert at Lloris hadde kome til semje med Milan,[4] men han enda likevel opp i Olympique Lyonnais. Lloris grunngav avgjerda med Champions League-deltakinga til Lyon.[5] Lloris fekk trøye nummer éin og gjekk rett inn på laget. Etter 2008/09-sesongen vart Lloris kåra til beste keeper i serien, sjølv om sesongen enda med at Lyon ikkje vann seriemeisterskapen, for første gong på sju år. Han heldt fram som Lyon sin førstekeeper i 2009/10-sesongen. I desember 2009 kom han på tredjeplass i kåringa av "Årets spelar i Frankrike", bak Nicolas Anelka og Yoann Gourcuff.

Lloris fekk aldersbestemte landskampar for Frankrike, og seinare også kampar for France A', det franske B-landslaget. I 2005 var han med på det franske laget som vann U19-EM. Han vart først kalla inn i A-landslagstroppen til ein kamp mot Spania i februar 2008, som reserve. Han spelte den første A-landslagskampen sin mot Uruguay 19. november 2008. Kampen enda 0-0. Han vart utvist i ein landskamp for første gong 9. september 2009, for å ha felt Serbias Nikola Žigić innanfor 16-meteren. Han var tilbake på landslaget til kvalifiseringskampen mot Austerrike i oktober, og spelte òg begge kvalifiseringskampane mot Irland i november 2009, til stor åtgaum i fransk presse.

Referansar[endre | endre wikiteksten]

  1. Lyon deny Coupet rumours (2008-05-23).
  2. Hugo Lloris to AC Milan (2008-05-19).
  3. Lloris open to Spurs talks (2008-05-28).
  4. AC Milan set to sign French goalkeeper Hugo Lloris (2008-05-28).
  5. Lloris explains Lyon choice (2008-05-28).
Denne artikkelen begynte med ei omsetjing frå bokmålswikipediaen og engelsk wikipedia 8. mars 2010.