IÎles Galindez
IÎles Galindez | |||
øy | |||
Vernadskyj forskingsbase på IÎles Galindez
| |||
Land | Antarktis | ||
---|---|---|---|
Del av | Argentine Islands | ||
Koordinatar | 65°15′S 64°15′W / 65.250°S 64.250°W | ||
Lengd | 0,8 km | ||
IÎles Galindez 65°15′S 64°15′W / 65.25°S 64.25°W | |||
Wikimedia Commons: Galindez Island | |||
IÎles Galindez er ei øy som ligg like aust for Winter Island i Argentine Islands i Wilhelm Archipelago. Ho vart oppdaga av Den franske antarktisekspedisjonen, 1903–05, under Jean-Baptiste Charcot, som namngav ho etter kommandør Ismael F. Galíndez frå Den argentinske marinen, som sendte avstad «Uruguay» for å leite etter Charcot, då ein trudde at ekspedisjonen hadde forlist i 1905. Øya vart kartlagd på ny av British Graham Land Expedition (BGLE) under John Riddoch Rymill, 1934–37.[1][2]
BGLE-hytta på Winter Island forsvann under mystiske omstende (kanskje på grunn av ein tsunami) i 1946. Ei ny hytte vart sett opp 7. januar 1947 av Falkland Islands Dependencies Survey (FIDS), og vart offisielt kjend som Base F (Wordie-hytta etter James Wordie). Denne vart erstatta 30. mai 1954 av ei større hytte på den nærliggande IÎles Galindez (Kroningshytta etter kroninga av dronning Elizabeth II av Storbritannia i 1953) og var eit viktig observatorium i Det internasjonale geofysiske året 1957/58. FIDS vart omorganisert og kalla British Antarctic Survey (BAS) tidleg i 1960-åra. Etter 30 år med kontinuerleg forsking vart Base F ombygd av BAS i 1980, før ho vart fråreist og gjeve til Ukraina den 6. februar1996 som kalla basen Vernadskyj forskingsbase.
Sjå òg[endre | endre wikiteksten]
Kjelder[endre | endre wikiteksten]
- ↑ «Vernadsky Base: History». Henta 21. oktober 2012.
- ↑ «IÎles Galindez». Geographic Names Information System, U.S. Geological Survey. Henta 17. oktober 2012.
Denne artikkelen inneheld stoff som er offentleg eige frå United States Geological Survey-artikkelen «IÎles Galindez» (innhald frå Geographic Names Information System).