I Dig Everything
| I Dig Everything Singel av David Bowie | ||
| B-side |
«I'm Not Losing Sleep» | |
|---|---|---|
| Utgjeve | 19. august 1966 | |
| Innspelt | Pye Studios, London, 5. juli 1966 | |
| Sjanger | Pop | |
| Lengd | 2:45 | |
| Selskap | Pye 7N 17157 | |
| Låtskrivar(ar) | David Bowie | |
| Produsent | Tony Hatch | |
| David Bowie-kronologi | ||
| «Do Anything You Say» 1966 |
I Dig Everything | «Rubber Band» 1966
|
«I Dig Everything» er ein song av David Bowie. Han vart gjeven ut som singel i 1966. Songen vart opphavleg spelt inn som demo med turnebandet til Bowie, The Buzz, men Tony Hatch var ikkje nøgd med spelinga deira og erstatta dei med studiomusikarar. Songen vart spelt på konsertar i 1966-1967 som ein omskriven versjon av 1-2-3 (seinare Clouds), som Bowie høyrte spele på The Marquee tidleg i 1967.[1]. Singelen selde dårleg og var den siste innspelinga til Bowie for Pye.
Teksten skildrar ein ungdom som kjem til ein by, truleg høg på noko, og spring kring i London og gledar seg over alt han ser. Dette er hans verd, hans by, syng han, og dei som ikkje ser det vakre i slummen og fortaua er anten blinde eller gamle (eller politi).[2] Der «Can’t Help Thinking About Me» handlar om å flytte frå bygda til London, handlar «I Dig Everything» om at guten har kome fram, bur i ein skiten leilegheit, har fleire vener enn mat, sit og røyker og ler av dei eldre folka som er på veg til jobb og er fortapt i bylivet.[2]
Musikken består av ein latinsk rytme med vaskebrett og bongotrommer, og syner at produsenten Tony Hatch nytta studiomusikar i staden for bandet til Bowie på denne tida, The Buzz. Songen vart spelt inn 5. juli 1966 og kom ut 19. august same året.
Songen vart spelt inn på ny 34 år seinare for albumet Toy, som aldri vart gjeven ut, men Bowie spelte songen ein del på konsertane sine i 1999.
B-sida til singelen var «I'm Not Loosing Sleep». Tony Hatch hadde berre spelt inn mislukka singlar med Bowie, og prøvde å få han til spele noko som minna om Petula Clark. Til dømes minna korvokalen som syng «too bad!» om refrenget i «Downtown». Songen vart spelt inn same dagen som A-sida, 5. juli 1966.
Medverkande[endre | endre wikiteksten]
- David Bowie: vokal, gitar
- Andre musikarar ukjende
Andre utgjevingar[endre | endre wikiteksten]
- Songen vart gjeven ut som B-sida til den spanske utgåva av «Can't Help Thinking About Me» i 1972.
- Pye gav ut singelen med bileteomslag i Spania i september 1972.
- Songen finst òg på samleplatene
- Don't Be Fooled by the Name (Japan)
- The Collection (1985)
- 1966 (1988)
- Introspective (1990)
- Early On (1964-1966) (1991)
- I Dig Everything EP (1999)
Andre versjonar[endre | endre wikiteksten]
- The Great Imposters - Dollars in Drag: A Tribute to David Bowie. Versjonen deira heitte «I Dig Anything». Songen vart òg spelt inn av Generation X.
Kjelder[endre | endre wikiteksten]
- Denne artikkelen bygger på «I Dig Everything» frå Wikipedia på engelsk, den 26. april 2011.
- Wikipedia på engelsk oppgav desse kjeldene:
- Pegg, Nicholas, The Complete David Bowie, Reynolds & Hearn Ltd, 2000, ISBN 1-903111-14-5
- ↑ Mojo magazine Nov 1994 article "1-2-3 and the Birth of Prog", interview with David Bowie
- ↑ 2,0 2,1 Chris O’Leary. «I Dig Everything». Pushing Ahead of the Dame. Henta 13. januar 2016.
