Isonzo

Isonzo
Soča nær Kobarid
Utspring	Dei juliske Alpane vest for Triglav
- Høgd	1 100 m
Munning	Adriahavet nær Monfalcone
Land i nedslagsfelt	Slovenia, Italia
Lengd	140 km (99 km i Slovenia, 41 km i Italia)
Middelvassføring	140 m³/s
Nedslagsfelt	3 400 km²

Isonzo (slovensk Soča, gamaltysk Sontig) er ei 140 km lang elv i Slovenia og Italia. Kjelda til elva ligg i Trentadalen i Dei juliske Alpane i Slovenia i ei høgd på om lag 1 100 meter over havet. Elva renn forbi det høgaste fjellet i Slovenia, Triglav (2 864 moh) før ho renn sørover forbi byane Bovec, Kobarid, Tolmin, Nova Gorica og Gorizia. Ho munnar ut i Adriahavet nær den italienske byen Monfalcone.

Sočadalen var åstad for store militære operasjonar , inkludert tolv slag ved den italienske fronten under den første verdskrigen mellom mai 1915 og november 1917 der over 300 000 soldatar frå Austerrike-Ungarn og Ungarn mista livet.

I Slovenia vert elva stundom kalla «Den vene smaragdelva» på grunn av det samaragdgrøne vatnet. Ho er visstnok ei av få elvar i verda som har ein slik farge gjennom heile løpet. Soča inspirerte den slovenske diktaren Simon Gregorčič til å skrive det mest kjende diktet hans Soči (Til Soča), eit meisterverk i slovensk poesi.

Isonzo er kjend for den unike aurearten Salmo trutta marmoratus (kalla marmoraure), som lever i det krystallklåre vatnet i dei øvre områda av elva. Arten er utryddingstruga på grunn av at andre fiskeartar vart sett ut i elva mellom dei to verdskrigane.