Jørgen Dahll
| Jørgen Dahll | |
| Statsborgarskap | Noreg |
| Fødd | 9. april 1795 Eidsberg kommune |
| Død |
9. juni 1858 (63 år) |
| Yrke | bonde, handelsmannn, politikar |
| Språk | norsk |
Jørgen Martinus Dahll (9. april 1795–9. juni 1858) var ein norsk handelsmann, gardbrukar og stortingsmann frå Eidsberg i Østfold.
Dahll var son av ein gardbrukar på Lindhol i Eidsberg. Sjølv var han fyrst handelsmann i Moss til han i 1821 kjøpte garden Linnes i Lier i Buskerud. Han var gardbrukar på Linnes til 1836, sidan var han gardbukar på Lindestad i Berg i Østfold i ti år. Frå 1846 dreiv han garden Sommerfryd ved Drammen.
Dahll var 2. representant frå Buskeruds amt på Stortinget i 1833, medlem av tollkomiteen. Til 1830-stortinget vart han vald til 3. varamann. I 1840 var han medlem av ein kommisjon som drøfta spørsmålet om ei utviding av Fredrikshald.
Dahll døydde på Sommerfryd ved Drammen i 1858.
Kjelder[endre | endre wikiteksten]
- Lindstøl, Tallak:Stortinget og Statsraadet 1814-1914. Kristiania, 1914
- Biografisk informasjon om Jørgen Dahll NSD Norsk senter for forskningsdatas politikararkiv