Jens Evensen

Jens Ingebret Evensen (5. november 1917–15. februar 2004) var ein norsk politikar frå Arbeidarpartiet, diplomat, jurist, høgsterettsadvokat og domar innan folkerett ved folkerettsdomstolen i Haag.

Karriere

I den fyrste tida med petroleumsverksemd i Noreg var han sentral i utarbeiding av reglar for verksemd på norsk kontinentalsokkel. Evensen forhandla fram Noreg si handelsavtale med EF i 1972.

Jens Evensen var deretter statsråd i Trygve Bratteli si andre regjering og Odvar Nordli si regjering.

Han var først sjef for Handels- og skipsfartsdepartementet, 16. oktober 1973 - 27. september 1974. Han vart deretter statsråd for Havrett og fiskerigrenser, 27. september 1974 - 15. januar 1976 i Trygve Bratteli si andre regjering, og heldt deretter fram i same verv i Odvar Nordli si regjering fram til 1. januar 1979.

"Gråsone»-avtala", mellom Noreg og Sovjetunionen om eit område i Barentshavet, var òg mykje hans verk.

Ein nær medarbeidar av Evensen var Arne Treholt.

Utmerkingar

• Evensen vart utnemnt til kommandør av Krossen av St. Olavs Orden.
• I 1982 vart Evensen tildelt Peer Gynt-prisen

Litteratur

• Berit Ruud Retzer: Jens Evensen : makten, myten og mennesket : en uautorisert biografi, Oslo 1999. ISBN 82-995068-0-8, http://www.berit1.com

Kjelder

Jens Evensen hos Stortinget.no, vitja 18. april 2010

Denne samfunnsartikkelen er ei spire. Du kan hjelpe Nynorsk Wikipedia gjennom å utvide han.