Jingzhou

Frå Wikipedia – det frie oppslagsverket
Gå til: navigering, søk
Museum i Jiangzhou
Plasseringa av Jingzhou (gul) i Hubei

Jingzhou (荆州; pinyin: Jīngzhōu) er eit byprefektur sør i provinsen Hubei i det sentrale Kina, der det har ei lang grense mot Hunan-provinsen. Byprefekturet har eit areal på 14 168 km² og knapt 5,7 millionar ibuarar i 2010.

Byprefekturet Jingzhou omfattar to bydistrikt (区 ), tre byfylke (市 shì) og tre fylke (县 xiàn).

Geografi[endre | endre wikiteksten]

Jingzhou har eit vidt forgreina nett av kanalar og innsjøar, der det ligg på Jianghanslettta langs dei midtre strekningane av storelva Chang Jiang. Nedstraums Chang Jiang i aust ligg Wuhan, provinshovudstaden, i vest er byen Yichang, Trejuva, samt den kjempestore bykommunen Chongqing.

Soge[endre | endre wikiteksten]

Den antikke byen Jingzhou er i dag er det sentrale byområdet i Jiangling fylke, eitt av fylka i dagens byprefektur Jingzhou. Med si plassering langs Chang Jiang har staden/området vore militærstrategisk viktig sidan tidleg historisk tid.

Ying, som ligg i dagens byprefektur, var i 411 år hovudstad for kongar i staten Chu i dei historiske tidsaldrane Vår- og haustannaltida og Krigarrika-tida under Zhou-dynastiet (1046-256 før vår tid).

Under Nord- og Sør-dynasti-tida var Jingzhou hovudstad for Liang-dynastiet. Medan han under Dei fem dynastia og ti kongedømma var hovudstad for staten Nanping.

Samferdsle[endre | endre wikiteksten]

Kinas riksveg 207 går gjennom prefekturet, både gjennom byen Jingzhou og fylket Gong'an. Denne viktige trafikkåra tek til i Xilinhot i Indre Mongolia nær grensa mot Mongolia, leiar derifrå sørover og endar i Hai'an, ein by som ligg i Xuwen fylke sør på Leizhouhalvøya i provinsen Guangdong.

Kinas riksveg 318 passerer gjennom området. Han tek til i Shanghai og fører mellom andre innom Wuhan og Chengdu på sin veg inn i Tibet og Lhasa, vidare til grensebyen Zhangmu og grensestasjonen mellom Kina og Nepal.

Bakgrunnsstoff[endre | endre wikiteksten]

Commons-logo.svg Commons har multimedia som gjeld: Jingzhou

Kjelder[endre | endre wikiteksten]