Johan Grøttumsbråten
Frå Wikipedia – det frie oppslagsverket
Johan Grøttumsbråten (12. februar 1899–24. januar 1983) var ein norsk idrettsutøvar som konkurrerte i både langrenn og kombinert på 1920-talet.
Han vann to olympiske gullmedaljar under vinter-OL 1928 i St. Moritz, både 15 km langrenn og kombinert. Olympisk gull i kombinert vann han på ny under vinter-OL i Lake Placid, New York fire år seinare. Grøttumsbråten var norsk flaggberar under dette OL.
Grøttumsbråten vann kombinert i Holmenkollrenna fem gonger, i 1923, 1926, 1928, 1929 og 1931, han hadde dessutan fem sigrar i det kombinerte langrennet. Han har vunne 10 kongepokalar.
I 1924 blei han tildelt Holmenkollmedaljen saman med Harald Økern.
