Johannes Heftye

Frå Wikipedia – det frie oppslagsverket
Johannes Heftye

Johannes Heftye i eit måleri, fotografert av Anders Beer Wilse i 1919.
Statsborgarskap Noreg
Fødd 17. oktober 1792
Schwanden i Glarus
Død

2. november 1856 (64 år)
Christiania

Yrke politikar, forretningsdrivande, bankier
Språk norsk

Johannes Thomassen Heftye (24. oktober 17923. november 1856) var ein norsk bankier, forretningsmann og stortingsmann.

Heftye var fødd i Schwanden i Glarus i Sveits. Han var son til Cathrine Tschudi (1773–1807) og handelsmannen Thomas Johannessen Heftye (1767–1821/7), som innvandra til Noreg i 1794. Han var eldre bror til teolog, grosserar og filantrop Henrik Heftye (1804–1864).[1]

Saman med faren grunnla Heftye i 1818 verksemda Th. Joh. Heftye & Søn. Dette var eit bankierselskap, det vil seia at ein driv bankverksemd i eige namn.[2] Som faren (Ths. Joh.) sat han (Joh. Tho.) som medlem av Børs- og Handelskomitéen i 1824, 1830, 1835, 1836, 1841 og 1842. Han var òg komitéformann i 1831.[3]

Heftye var 4. representant for ChristianiaStortinget 1827 og omframstortinget 1828.[4] I 1827 var han permittert frå 26. juni då han skulle reise til Sveits. Han var i 1827 medlem av bankkomiteen, tollkomiteen og komiteen om kjøpstad på Oplandene, i 1828 medlem av komiteen om auke i setelmengda. Perioden 1837-48 var han medlem av bystyret i hovudstaden.

Heftye døydde i Christiania 1856. Han var far til bankmannen Thomas Johannessen Heftye og farfar til statsråd Thomas Heftye.[5]

Kjelder[endre | endre wikiteksten]

  1. «Henrik Heftye». Norsk biografisk leksikon. Henta 26. juni 2010. 
  2. Bankier i Store norske leksikon.
  3. Kristiania børs (1919). Kristiania børs 1819-1919: et tilbakeblik ved 100 aars jubilæet. Komiteen. 
  4. «Johannes Thomassen Heftye». Norwegian Social Science Data Services (NSD). Arkivert frå originalen 27. mai 2011. Henta 27. desember 2014. 
  5. Bratberg, Terje (2007). «Heftye». I Henriksen, Petter. Store norske leksikon. Oslo: Kunnskapsforlaget. Henta 27. desember 2014.