John Olav Nilsen & Gjengen

John Olav Nilsen & Gjengen
	John Olav Nilsen & Gjengen
	;
Opphav	Loddefjord i Bergen
Aktiv	2006-2013
Sjanger	Pop, rock
Plateselskap	Voices Music & Entertainment
Medlemmer	John Olav Nilsen - vokal ; Einar Vågenes - gitar ; Andrew Amorim - trommer ; Lars Eriksen - gitar ; Daniel Maranon - perkusjon ; Tim Bjerke - bass ; Alastair Gilfoyle - keyboard/ synthesizer
Tidlegare medlemmer	Magnus Bøe Michelsen - keyboard ; Robert Eidevik - bass ; Jan Henning Buen - gitar ; Nam Phoung Nguyen - bass, trommer ; Jan Eivind Bertelsen - gitar ; Anand Chetty - keyboard
Prisar	Spellemannprisen i rock

John Olav Nilsen & Gjengen er eit norskspråkleg pop/rock-band frå Loddefjord i Bergen. Frontfigur i bandet er John Olav Nilsen.

Karriere[endre | endre wikiteksten]

Bandet vart skipa i Bergen i 2006, med unntak av to av medlemene som kom med seinare. I 2007 og 2008 hadde dei ein del konsertar i Bergensområdet, m.a. saman med bandet Fjorden Baby!.

Bandet begynte for alvor å bli kjende i 2008 då dei vart kåra til Ukens Urørt, og kom på tredje plass i Årets Urørt-finalen, då Pony the Pirate vann. Vidare deltok bandet på By:larm i Oslo 2009 og gav ut debutalbumet For sant til å være godt på Voices Music & Entertainment seinare same året. Plata vart svært godt motteken med fleire terningkast 6 og 5 frå norske aviser. På slutten av året vart albumet kåra til Årets norske album av m.a. Aftenposten og Dagbladet.

Under Spellemannprisen 2009 vann dei i klassen rock for debutalbumet. I tillegg var dei nominerte i klassen årets nykomar, men tapte mot Donkeyboy.

I februar 2011 kom oppfølgjarplata Det nærmeste du kommer ut på same plateselskapet. Ei melding i Aftenposten omtalte albumet som «godt, men ikkje hundre prosent vellukka».^[1]