Jon Michelet

Jon Michelet
Nasjonalitet	Norsk
Fødd	14. juli 1944 (68 år), i Moss
Yrke	Forfattar
Periode	1975-
Debut	Den drukner ei som henges skal
Nettstad	jonmichelet.com

Jon Michelet (fødd 14. juli 1944 i Moss) er ein norsk forfattar. Han er utdanna overstyrmann og har i tillegg studert ved Journalisthøgskulen i Oslo. Michelet har arbeidd som sjømann, bryggearbeidar, journalist og forlagsredaktør. I tida 1997-2002 var han redaktør for avisa Klassekampen. Han har vore medlem av fylkestinget for Østfold fylke og Kringkastingsrådet, styremedlem i Norsk Styrmandsforening og Raud Valallianse. Frå 2003 har han vore president i Rivertonklubben.

I 2003 vart Michelet av Innsynsutvalet tilkjend erstatning for ulovleg overvaking. Etter nedgraderinga av Overvakingspolitiet sine arkiv vart det prova at han i i lengre tid på 1970-talet var utsett for massiv overvaking, irekna telefonavlytting og brevopning. I fylgje dokumenta skal Overvakingspolitiet ha rekna han som ein av toppleiarane i AKP (ml).

Michelet debuterte litterært i 1975 med kriminalromanen Den drukner ei som henges skal. Han har gjeve ut romanar, barnebøker, skodespel og sakprosa. Serien med bøker frå fotball-VM saman med Dag Solstad er vorte ein sportslitterær institusjon. Boka Orions Belte vart filma i 1985 med regi av Ola Solum. Fleire av Michelet sine kriminalromanar med Wilhelm Thygesen i hovudrolla er dramatisert for NRK fjernsyn.

Bibliografi

• Den drukner ei som henges skal - kriminalroman (1975)
• Mellom barken og veden - kriminalroman (1975)
• Jernkorset - kriminalroman (1976)
• Jernkorset - kapitlet som ble vekk - utdrag (1976) (saman med Tron Øgrim)
• Orions belte - kriminalroman (1977)
• Angrepet på Longeyarbyen - roman (1978)
• 7800 demonstranter sporløst forsvunnet - og andre merkverdige historier fra 1970-åra - sakprosa 1975)
• Matros Tore Solem og hans skip - skodespel (1979) (saman med Gunnar Bull Gundersen)
• Tiger Bay - roman (1979)
• Hvit som snø - kriminalroman (1980)
• Den gule djevelens by - kriminalroman (1981)
• Terra Ro*a - roman (1982)
• VM i fotball 1982 - sakprosa (1982) (saman med Dag Solstad)
• Jerv (jervere, jervest?) - roman (1983)
• Panamaskipet - kriminalroman (1984)
• Mannen på motorsykkelen - kriminalroman (1985)
• Min afrikanske eksplosjon - barnebok (1986)
• VM i fotball 1986 - sakprosa (1986) (saman med Dag Solstad)
• Brevet til Fløgstad - sakprosa (1987)
• Den flyvende brasilianer 1 - roman (1987)
• Den flyvende brasilianer 2 - roman (1988)
• Le Coconut- roman (1988)
• Thygesens terrorist - kriminalroman (1989)
• VM i fotball 1990 - sakprosa (1990) (saman med Dag Solstad)
• Farvel til en prins - roman (1993)
• VM i fotball 1994 - sakprosa (1994) (saman med Dag Solstad)
• Leve republikken - sakprosa (1995)
• VM i fotball 1998 - sakprosa (1998) (saman med Dag Solstad)
• Den frosne kvinnen - kriminalroman (2001)
• Aftensang i Alma Ata - kriminalroman (2003)
• Thygesen-fortellinger - krim (2005)
• Høyt mot nord, langt mot sør - dokumentarbok (2006)
• Den siste krigsseileren - biografi (2007)
• Havets velde - roman (2007)
• Mordet på Woldnes - krim (2008)
• Brev fra de troende -En internettbok om tro og tvil (2008)
• Snøfonnens geografi. Sju fortellinger og et dikt av min mor - eventyr (2009)
• Døden i baugen - roman (2010)
• Mappa mi - sakprosa (2011)
• En sjøens helt - roman (2012)

Prisar

• Rivertonprisen 1981 for Hvit som snø
• Språklig samlings litteraturpris 1991
• Rivertonprisen 2001 for Den frosne kvinnen

Bakgrunnsstoff

• Bøker av Jon Michelet digitalisert hjå Nasjonalbiblioteket
• Presentasjon av Jon Michelet på nettstaden til Forlaget Oktober
• Utgjevingar av Jon Michelet i BIBSYS