Kåfjord kyrkje i Alta

Frå Wikipedia – det frie oppslagsverket
Gå til: navigering, søk

Koordinatar: 69°56′5″N 23°1′39″E

Kåfjord kyrkje
Kafjord church Alta 1.jpg
Generelt
Kyrkjesamfunn: 

Den norske kyrkja

Bispedøme:  Nord-Hålogaland
Prosti:  Alta
Fellesråd:  Alta
Sokn:  Alta
Innvigd:  10. september 1837
Kyrkjegard:  Ved kyrkja
Arkitektur
Type:  Langkyrkje
Periode: Engelsk nygotikk
Teknikk:  Tømra
Materiale:  Tre
Kyrkjerommet
Plassar:  330

Kåfjord kyrkje er ei langkyrkje frå 1837 i Alta sokn i Alta prosti i Nord-Hålogaland bispedømme.

Kyrkja vart vigsla 16. sundag etter treeining 1837 av biskop Kjerschow, og er den eldste kyrkja i Alta.

Byggverket er i tømmer og har 330 sitjeplassar.

Ein kan komme til kyrkja via E6. Kyrkja ligg på ei høgd aust for vegen.

Historia til Kåfjord kyrkje er nær knytt til historia om drifta av kopargruvene. Då verket vart innstilt, gjekk òg kyrkja inn i forfall. I 1896 sette svenske interessentar drifta i gang att, og kyrkja vart måla innvendig i blått og gult. I 1909 vart koparverket nedlagd, og det kom framlegg om å flytte kyrkja til Elvebakken. Etter ein forfallsperiode vart kyrkja pånytt istandsett på slutten av 1930-talet.

Kyrkjegarden[endre | endre wikiteksten]

På kyrkjegarden er det ærverdige gravminne over familiemedlemmer til den engelske leiinga i koparverket på 1800-talet. Her er grava til handelsmannen Carl Johan Ruth som vart drepen under Kautokeino-opprøret i 1852 og og gravene til Aslak Jacobsen Hætta og Mons Aslaksen Somby som vart halshogde for deltakinga i opprøret.

I 2003 vart det reist eit minnesmerke over det britiske ubåtmannskapet som fall under angret på Tirpitz, og i 2004 vart det reist eit minnesmerke over rallarfamilien.

Kulturminne[endre | endre wikiteksten]

Kåfjord kyrkje er eit kulturminne og har nummer 84878 i Riksantikvarens kulturminnebase.

Bakgrunnsstoff[endre | endre wikiteksten]