Kaliningrad oblast

Kaliningradskaja oblast
   

Hovudstad	Kaliningrad
Areal - Totalt - % vatn	Rangering: 80. 15 100 km² Ukjent
Innbyggjartal - totalt - folketettleik	Rangering: 57. ca. 941 900 (2010) ca. 62,4/km²
Føderalt distrikt	Nordvestlege
Økonomisk region	Nordvest
Regionsnummer	39
Offisielt språk	Russisk
Guvernør	Anton Alikhanov
Nasjonalsong
Tidssone	UTC +0200

Kaliningrad oblast (russisk Kaliningradskaja oblast) er ei føderal eining i den russiske føderasjonen. Det administrative distriktet (oblastet) omfattar dei nordlege delane av den gamle provinsen Austpreussen i Tyskland. Området går frå Austersjøen opp til Litauen, og vart okkupert av Sovjetunionen etter Andre verdskrig. Hovudbyen i oblastet har namnet Kaliningrad. I 1946 vart byen omdøypt frå Königsberg, og oppkalla etter sovjetleiaren Mikhail Kalinin. Kaliningrad oblast er ein eksklave utan samband over land til det eigentlege Russland, og er frå 2004 omgjeve av EU-landa Polen og Litauen.

Ved vala til oblast-parlamentet 13. mars 2006 vart Sameint Russland det klart største partiet. Heile 16,5 % av veljarane røysta «mot alle», som tilsvarar å røysta blankt.

Folkesetnad

Den einaste store byen er Kaliningrad, som hadde 431 900 ibuarar i 2010.

Dei største folkegruppene ved folketeljinga i 2010 var:

• Russarar: 82,0 %
• Ukrainarar: 3,5 %
• Kviterussarar: 3,5 %
• Litauarar: 1,0 %

7349 personar, 0,7 % av befolkninga, oppgav tysk nasjonalitet.

Kjende personar frå Kaliningrad oblast

• Aleksej Leonov, kosmonaut
• Viktor Patsajev, kosmonaut
• Ljudmila Putina, kona til president Vladimir Putin

Bakgrunnsstoff

Wikimedia Commons har multimedia som gjeld: Kaliningrad oblast

• Litauarar i Kaliningrad-området

Denne geografiartikkelen er ei spire. Du kan hjelpe Nynorsk Wikipedia gjennom å utvide han.