Karlshamns kommun
| Karlshamns kommun | |
 Kommunevåpenet til Karlshamns kommun |
|
| Len | Blekinge län |
| Landskap | Blekinge |
| Centralort | Karlshamn |
| Areal | 511,08 km² |
| – Landareal | 491,33 km² |
| – Vassareal | 19,75 km² |
| Folketal | 31 179 |
| Folketettleik | 63,5/km² |
| Kommunenummer | 1082 |
| Nettside | www.karlshamn.se |
| Kart | |
|---|---|
 |
|
Karlshamns kommune er ein kommune i Blekinge län i Sverige. Kommunen grensar i vest til Olofströms kommun og Sölvesborgs kommun, i aust til Ronneby kommun og i nord til Tingsryds kommun i Kronobergs län. Administrasjonssenteret i kommunen er Karlshamn.
I kommunen finn ein ein av dei største skjergardane i Blekinge, Hällaryds skärgård. Nord for skjergarden ligg det eit eit platålandskap med markerte sprekkedalar i retning nord–sør.
Kommunen har fleire typar industri, som produksjon av sprit (spesielt punsj), sanitærutstyr, elektrisk og elektronisk utstyr og sportsfiskeutstyr (ABU Garcia). Han inneheld òg eit stort varmekraftverk.
Innhaldsliste |
Adminstrativ historikk [endre]
I 1863, då dei svenske kommunalforordningane tredde i kraft, var området samansett av Karlshamns stad og fem sokn. I år 1881 kom endå ein landkommune til, Ringamåla, gjennom utbryting frå Asarum. Ved kommunereforma i 1952 vart «storkommunane» Hällaryd (av kommunane Hällaryd og Åryd), Asarum (gjennom gjenforeining av Asarum och Ringamåla) og Mörrum (av kommunane Elleholm og Mörrum) oppretta. I 1967 vart Karlshamns stad slått saman med Asarum, Hällaryd og Mörrum. Allereie fire år før einskapleg kommunetype vart innførd, hadde altså Karlshamns kommun fått si noverande form.
Kommunevåpenet [endre]
Blasonering: Eit skjold med bølgjedeling i gull, der ei oppstigande svart løve med raud tunge og raude klør held eit ståande svart anker med begge frampotane, samt i grønt.[1]
Byvåpenet til Karlshamn vart fastsett allereie i privilegiebrevet frå 1666. Det same våpenet vart i 1974 registrert for Karlshamns kommun. Asarum og Mörrum hadde begge våpen frå 1940-talet, og desse vart ugyldige.
Tettstader [endre]
Det er seks tettstader i Karlshamns kommun. Ein mindre del av tettstaden Pukavik ligg også i kommunen, men den største delen ligg i Sölvesborgs kommun.
Tettstadene i tabellen er ordna etter innbyggjartal per 31. desember 2005. Administrasjonssenteret er utheva.
| Nr. | Tettstad | Folketal |
|---|---|---|
| 1 | Karlshamn | 18 768 |
| 2 | Mörrum | 3 655 |
| 3 | Svängsta | 1 742 |
| 4 | Hällaryd | 553 |
| 5 | Åryd | 362 |
| 6 | Torarp | 273 |
Kjelder [endre]
- Artikkelen var opphavleg basert på ei omsetjing av «Karlshamns kommun» på Wikipedia på svensk.
- «Karlshamn» på Store Norske Leksikon.
Fotnote [endre]
- ↑ «Sköld av vågskura delad i guld, vari ett uppstigande svart lejon med röd beväring, vilket med båda framtassarna håller ett stolpvis ställt svart ankare, samt i grönt».
|
|
||
|---|---|---|
| Karlshamn · Karlskrona · Olofström · Ronneby · Sölvesborg |  |
|
| Sjå òg: Liste over Sveriges kommunar | ||
