Kiwano

Frå Wikipedia – det frie oppslagsverket
Kiwano
Kiwano
Kiwano
Systematikk
Rike: Planteriket Plantae
Rekkje: Karplantar Tracheophyta
Underrekkje: Frøplantar Spermatophytes
Orden: Cucurbitales
Familie: Graskarfamilien Cucurbitaceae
Stamme: Benincaseae
Slekt: Cucumis
Art: Kiwano C. metuliferus
Vitskapleg namn
Cucumis metuliferus

Kiwano (Cucumis metuliferus) er ei frukt som stammar frå dei afrikanske tropane. Ho veks på ein eittårig slyngplante i agurkslekta.

Botanisk teikning av kiwano.

Kiwanofrukta er avlang med ei lengd på rundt 13 cm. Ho har grønt- eller gulfarga skal med hornaktige taggar. Fruktkjøtet er saftig og grønt med fleire flate frø, og har konsistens liknande det til ein agurk. Smaken er forfriskande og er blitt samanlikna med banan og lime, agurk og squash eller banan, agurk og sitron.[1] Ein kan eta frukta rå, som ho er, eller i ein salat eller cocktail. Som regel tek ein ut fruktkjøtet, men også skalet kan etast.

Kiwano er rikt på A-, B- og C-vitamin og på mineral som kalsium, kalium, magnesium og fosfor. Under tørketida i Kalahari er kiwano og frukta til Acanthosicyos naudinianus dei einaste vasskjeldene.[2]

Frukta er ein tradisjonell afrikansk matplante som også er blitt dyrka i USA, Chile, Australia, New Zealand og Israel. I Zimbabwe blir kiwano kalla gaka eller gakachika. Andre engelske namn er horned melon fruit eller African horned cucumber.

Kjelder[endre | endre wikiteksten]

  1. Kiwano: «It's what's inside that counts», The Seattle Times; «Let's discover some more little-known fruits», Deseret News.
  2. Parc de Khal-agadi, pas si désert, in Science & Vie n° 1130, November 2011, pp. 18-21. Oppgjeve av Engelsk Wikipedia.

http://www.spaldingbulb.co.uk/product/kiwano-horned-cucumber-/?channel_code=986&product_code=66399491&cb=1409824817964 Arkivert 2014-09-06 ved Wayback Machine.


Bakgrunnsstoff[endre | endre wikiteksten]

Commons har multimedium som gjeld: Kiwano