Klavdija Bojarskikh

Frå Wikipedia – det frie oppslagsverket
Klavdija Bojarskikh

Statsborgarskap Sovjetunionen
Fødd 11. november 1939
Verkhnjaja Pysjma
Død

12. desember 2009 (70 år)
Jekaterinburg

Yrke langrennsløpar
Høgd 159 centimeter
Klavdija Bojarskikh på Commons

Klavdija Sergejevna Bojarskikh[a] (11. november 193912. desember 2009) var ein russisk langrennsløpar som representerte Sovjetunionen. Ho vann tre OL-gull i 1964 og to VM-gull i 1966.

Klavdija Bojarskikh under Ski-VM 1966

Aktiv[endre | endre wikiteksten]

Bojarskikh, som var frå Verkhnjaja Pysjma i Sverdlovsk oblast, var verdas beste kvinnelege langrennsløpar midt på 1960-talet. I sitt fyrste internasjonale meisterskap, vinter-OL 1964 i Innsbruck tok ho gullmedaljar i alle tre langrennsøvingane for kvinner. På 10 km tok ho ein knepen siger føre landsmannen Jevdokija Meksjilo, før ho vann ein suveren siger på 5 km. Saman med Alevtina Koltsjina og førnemnde Meksjilo gjekk ho Sovjetunionen inn til OL-gull i 3x5 km stafett, over to minuttar føre Sverige på sølvplass.

Under ski-VM 1966 i Oslo var Bojarskikh nær å kopiere sigersrekka frå Innsbruk. Ho vann 10 km og Sovjetunionen gjekk til topps i stafetten, men på 5 km vart ho slått av landslagskollegaen Alevtina Koltsjina med 7,2 sekundar og enda på sølvplass.

Bojarskikh la opp i 1967.

Merknadar[endre | endre wikiteksten]

  1. Russisk skrift Клавдия Сергеевна Боярских

Kjelder[endre | endre wikiteksten]

  • Sportsboken, aktuelle årgangar