Kleivi Næringsområde

Kleivi Næringspark er eit industriområde på grensa mellom Hol og Ål kommune i Hallingdalen. Næringsparken vart oppretta i 1970 på initiativ av ordførarane i dei to kommunane. Hovudmålet med utbygginga var å halda på ungdommen ved å skapa arbeidsplassar, som området hadde mista etter at kraftutbyggjinga i Hallingdal hadde teke slutt. Fleire verksemder etablerte seg i området, men alle overlevde ikkje.

I næringsparken fann ein i 2005 desse verksemdene:

• Hallingdal Renovasjon har eit forbrenningsanlegg her
• Hallingplast AS, den eldste verksemda i Kleivi som produserer plastrøyr
• NorMec AS, lagar maskinar for gummiproduksjon
• Norsk Byggekunst AS
• Statens Vegvesen har eit oppvarma strøysandlager her
• Terje Skifte, einmannsverksemd som driv med kjøleteknikk
• G.G.Agenturer, heimetekstil