Knarvik
 |
||
| Geografi | ||
|---|---|---|
| Kommune | Lindås | |
| Fylke | Hordaland | |
| Folkemengd[1] | 5 013 (2012) | |
| Folketettleik | 1 282,1 /km² | |
| Areal[1] | 3,91 km² | |
| Annan informasjon | ||
| Ferdselsårer | E39 57 | |
| Postnummer | 5914 ISDALSTØ | |
Knarvik er ein tettstad og kommunesenter i Lindås kommune, og fungerer som regionsenter for Nordhordland. Tettstaden har kring 4500 innbyggjarar. Postadressa til Knarvik er Isdalstø, som ligg kring 2 kilometer frå Knarvik.
Før 1970-talet var her ikkje meir enn kring 30 innbyggjarar, men då Hordaland fylkeskommune avgjorde at Knarvik skulle byggjast opp som regionsenter, skaut utviklinga fart. Knarvik Senter vart i løpet av få år eitt av dei største kjøpesentra i landet. Kommuneadministrasjonen vart flytta til Knarvik frå Lindås, som ligg nord i kommunen.
Bustadutbygging, skuleutbygging og auka næringsverksemd førde til at Knarvik vart den største tettstaden i Nordhordland i løpet av 1980-talet. Fram til opninga av Nordhordlandsbrua i 1994 var ferjesambandet som batt saman Nordhordland med Bergen, Knarvik - Steinestø, det mest trafikkerte i landet målt i tal på bilar.
I september kvart år vert mosjonsløpet Knarvikmila skipa til.
Kjelder [endre]
Fotnotar [endre]
- ↑ 1,0 1,1 Statistisk sentralbyrå Folkemengd og areal, 1. januar 2012.
Denne Hordalandartikkelen som har med geografi å gjere er ei spire. Du kan hjelpe Nynorsk Wikipedia gjennom å utvide han.
